Ծրագրի նկարագրություն

Ծրագրի ընդհանուր նպատակն է զարգացնել աշակերտների կարողությունները՝ իրականացնելու դպրոցի շենքի էներգաօգտագործման գնահատումը,  ձևավորել էներգախնայող վարքագիծ, բարձրացնել հարմարավետության մակարդակը՝ նվազեցնելով էներգասպառման և CO2 արտանետումների քանակը: Ծրագրի նպատակին հասնելու համար սահմանված  խնդիրներն են.

• Բացահայտել դպրոցում էներգիայի օգտագործման աղբյուրները,

• Բացահայտել դպրոցում էներգիայի օգտագործման նվազեցման ներուժը,

• Կազմել/մշակել դպրոցում էներգիայի օգտագործման նվազեցման ծրագիր,

• Իրականացնել շենքի էներգխնայողության և էներգաարդյունավետության միջոցառումներ՝ ժամանակակից էներգաարդյունավետ տեխնոլոգիաների և լուծումների ներդրմամբ,

• Սեփական կարիքների համար վերականգնվող էներգետիկ աղբյուրների օգտագործում,

• Ձևավորել դեռահասների եւ երիտասարդների մոտ էներգաարդյունավետ վարքագիծ, 

• Նվազեցնել CO2 արտանետումների քանակը:

Ծրագրի նպատակին հասնելու համար նախանշված խդիրներն ամբողջությամբ իրականացվել են: Միջին և ավագ դասարանների աշակերտները, ուսուցիչները, մասնակցել են ուսուցողական և գործնական դասընթացներին, այնուհետև՝ դպրոցի շենքի էներգախնայողության և էներգաարդյունավետության միջոցառումների իրականացմանը: Անմիջական մասնակցությունը գործընթացներին թույլ է տվել բացահայտելու պատճառահետևանքային կապերն ու ձեռք բերել որոշակի հմտություններ, ինչն էլ խթանել է շրջակա միջավայրի նկատմամբ պատասխանատու վերաբերմունքի ձևավորմանը։

Ծրագրի իրականացման արդյունքում դպրոցահասակները և երիտասարդները դարձան առավել իրազեկ կլիմայի փոփոխության մեղմմանն ուղղված գործողությունների անհրաժեշտության մասին, փոխվեց նրանց վերաբերմունքն ու վարքագիծը տանը, դպրոցում, համայնքում, նրանք դարձան ակտիվ նախաձեռնող, բարձրացավ դպրոցի 5 դասասենյակների հարմարավետության մակարդակը։

Ծրագրի վերաբերյալ ամփոփ տեսանյութ` https://www.facebook.com/shamlugh.dproc/videos/1005300917218196