Ծրագրի նկարագրություն

ԷկոՊատրուլ նախաձեռնության նպատակն է՝ Դիլիջան խոշորացված համայնքին հարակից անտառների պաշտպանությունը, պահպանությունը և էկոմշակույթի ձևավորումը դեռահասների ու երիտասարդների մոտ։ Հայաստանը, որպես միջազգային հարաբերությունների լիիրավ սուբյեկտ, վավերացրել է մի շարք միջազգային բնապահպանական համաձայնագրեր, կոնվենցիաներ, որոնցով ստանձնել է պարտավորություններ էկոկրթությունն ու էկոդաստիարակությունը դարձնել պարտադիր՝ կրթության՝ ֆորմալ և ոչ ֆորմալ բոլոր մակարդակներում, որը պայմանավորված է մեր երկրում ստեղծված անբարենպաստ էկոլոգիական վիճակով և հասարակության էկոլոգիական գիտակցության խիստ ցածր մակարդակով։

Էկոմշակույթի չափազանց ցածր մակարդակ է Տավուշի մարզի անտառածածկ տարածքների հարևանությամբ գտնվող համայնքների բնակչության շրջանում, որոնք անտառը դարձրել են իրենց եկամտի հիմնական աղբյուրը։ Այդ են վկայում «Դիլիջան» ազգային պարկի պահպանման ռեժիմի խախտման բազմաթիվ դեպքերը և հարուցված բազմաթիվ քրեական գործերը։ Նրանք բնության նկատմամբ իրենց սպառողական վերաբերմունքով օրինակ են ծառայում իրենց երեխաներին ու այդպես շարունակ սերնդեսերունդ ոչնչացնում են բնությունը՝ չգիտակցելով, որ ի վերջո դա հանգեցնելու է էկոլոգիական աղետի։

Հիմնական գործողությունները

• Էկոկրթական դասընթացների կազմակերպում երիտասարդների ու դեռահասների համար՝ կազմելով 4 խումբ, յուրաքանչյուրում 10 մասնակից, ամեն խմբում դասընթացը կտևի 3օր/3ժամ

• Կլոր սեղան-քննարկում Դիլիջանի ավագանու, ՏԻՄ-ի և «Դիլիջան» ազգային պարկի աշխատակիցների մասնակցությամբ

• Արշավների կազմակերպում անտառի տուրիստական քայլուղիներով և մաքրման աշխատանքների իրականացում, ինչպես նաև սննդի և հանգստի կազմակերպում՝ ամեն խմբի հետ մեկական արշավ

• Փոքրիկ տեսաֆիլմերի նկարահանում և ծրագրի լուսաբանում սոցցանցերում

• Կտրված ծառերի հայտնաբերում և դրանց տեղում ծառատունկի իրականացում

Նախագծեր իրականացնելու փորձառությունը

Կազմակերպության կողմից իրականացրած ծրագրերն են՝

• «Երիտասարդական ակումբ-Ինտերնետ կաֆե» 8-ամսյա դրամաշնորհային ծրագիրը, որը  ֆինանսավորել էր ԱՄՆ դեսպանատունը, որի շրջանակներում իրականացվել է «Մարդու իրավունքի», «Համակարգչային հմտությունների»,   «Բնապահպանության», «Առողջ ապրելակերպի» դասընթացներ և կլոր սեղան-քննարկումներ Դիլիջան քաղաքի 4 քոլեջների 90 ուսանողների համար  

• «Խելացի տուն/Խելացի համայնք» Էներգաարդյունավետության քարոզարշավային ծրագիրը իրականացվել է Տավուշի մարզի Իջևան քաղաքում և Իջևանի տարածաշրջանի 18 գյուղական համայնքներում։ Տևողությունը՝ 6 ամիս, ԱՍԲԱ հիմնադրամի աջակցությամբ և ԵՄ կողմից տրամադրված դրամաշնորհով     

• «Դիագնոզը՝ առողջ ապրելակերպ» - ԿԳՄՍ նախարարության դրամաշնորհային ծրագիր՝ 4-ամսյա քարոզարշավ Տավուշի մարզի բոլոր քոլեջների ուսանողների համար