«Կանաչ գիրք» ծրագրի նպատակն է նորարարական տեխնոլոգիաների կիրառմամբ խթանել էկոկրթությունը և ապահովել բոլոր սովորողների համար որակյալ և արդիական կրթություն ստանալու հավասար պայմաններ։ «Կանաչ գիրք» ծրագրի շրջանականերում, համագործակցելով ՀՀ շրջակա միջավայրի նախարարության, ՀՀ կրթության, գիտության, մշակույթի և սպորտի նախարարության, ինչպես նաև շահագրգիռ կառուցների հետ, կմշակվեն որակյալ, պարզ և համառոտ գիտահեն թվային մոդուլներ՝ կառուցելով բնության և մարդու հարաբերությունների խնդիրների և հնարավոր լուծումների տրամաբանական շղթան։

2022թ. ապրիլի 5-ին Հայաստանում առաջին անգամ անցկացվեց «Կլիմայի փոփոխությունը և կանայք Հայաստանում» մրցանակաբաշխությունը, որը նպատակ ուներ ճանաչելի դարձնել կանանց ներդրումը և առաջնորդությունը կլիմայի փոփոխության մեղմման ու հարմարվողականությանն ուղղված գործողություններում և լուծումներում։ Մրցանակաբաշխության ընթացքում ստացված բոլոր ծրագրերը և լուծումները ընդգրկվել և հրապարակվել են կայքի էլեկտրոնային հարթակում: Միջոցառումը նախաձեռնվել և ֆինանսավորվել է Միավորված ազգերի կազմակերպության Զարգացման ծրագրի՝ Կանաչ Կլիմայի Հիմնադրամի կողմից ֆինանսավորվող «Հարմարվողականության ազգային ծրագիր Հայաստանում» ծրագրի շրջանակում  և «Կանայք կլիմայում և էներգետիկայում» կազմակերպության կողմից։

Ծրագրի հիմնական նպատակն է ստանալ տարածքային տվյալներ հողի ծածկույթի,  մակերևութային և ստորերկրյա ջրերի վրա մարդածին ճնշումների վերաբերյալ, որոնք անհրաժեշտ են Սևանա լճի ավազանում սոցիալական, տնտեսական և բնապահպանական ասպեկտների փոխազդեցությունների ավելի լավ հասկանալու համար: Անթրոպոգեն ճնշումները ներառում են քաղաքային կեղտաջրերի արտահոսքը, արդյունաբերական (հանքարդյունաբերություն,սննդի արտադրություն) կեղտաջրերի արտահոսքը, կոշտ թափոնները, գյուղատնտեսական գործունեությունը, ձկնաբուծությունը, զբոսաշրջությունը և այլն։ 

Կայուն էներգետիկայի օրեր» եռօրյա միջոցառումների շրջանակում «Կանայք կլիմայում և էներգետիկայում» կազմակերպության կողմից կազմակերպված Էքսպո-ցուցահանդեսը Արթիկի և հարակից համայնքների բնակիչներին ներկայացրեց տասնյակից ավել կայուն էներգիայի տեխնոլոգիաներ՝ իրազեկելով և ցուցադրելով Հայաստանում առկա արդի և հասանելի կայուն էներգիայի լուծումները։ Էքսպոյին ներկայացված էին «Էկովիլ», «էկոստեպ», «Շտիգեն», «Արև էներջի», «Ֆրի էներջի», «Սոլարա», «Օհմ էներջի», «Սոլարոն» ընկերությունները և «Մեծ Պարնի համայնք» կլիմայական քաղաքացիական ներդրումային շրջանառու հիմնադրամը։ Էքսպոյին ցուցադրվեցին նաև էլեկտրական տրանսպորտային միջոցներ, ինչպիսիք են էլեկտրական մոբիլները, ինքնագնացները:

Ապրիլի 28-ին Շիրակի մարզի Արթիկ քաղաքում մեկնարկեց «Կայուն էներգետիկայի օրեր» եռօրյա միջոցառումների շարքը, որոնց շրջանակում «Կանայք կլիմայում և էներգետիկայում» կազմակերպությունը մշակեց և համայնքի 11 դպրոցների աշակերների շրջանում կազմակերպեց «Կանաչ» հմտություններ» խաղը, որը ներառում էր կլիմայի փոփոխության, հարմարվողականության, էներգախնայողության, վերականգնվող էներգետիկայի, էներգաարդյունավետ վարքագիծ դրսևորելու վերաբերյալ դասընթացներ և մրցույթներ ինտերակտիվ, ներառական, ներգրավող և զվարճալի մոտեցումերի կիրառմամբ: 

Ծրագրի նպատակն էր պարզել հանրության պատկերացումները կլիմայի փոփոխության, վերջինիս ազդեցության մեղմման և ադապտացման վերաբերյալ, թե ինչպես է կլիմայի փոփոխությունն ազդում մարդկանց կյանքի որակի վրա, դրանք քարտեզագրել՝ հետագայում դրանց նորարարական լուծումներ տալու համար։ 

Ծրագիրն ուղղված էր ՏԻՄ գնումների գործընթացում էներգարդյունավետություն և վերականգնվող էներգետիկայի զարգացումն ապահովող կանոնակարգերի և կարգավորիչ միջոցների լավագույն փորձի հիման վրա հանրային քաղաքականությունների մշակմանը, բարելավմանն ու առաջխաղացմանը, համայնքների ներգրավմանը կայուն էներգետիկ զարգացման ծրագրերի մշակման, իրականացման և մշտադիտարկման գործընթացներում։ 

Կազմակերպությունը կազմակերպում է թեմատիկ քննարկումներ և հանդիպումներ ուղղված կայուն զարգացմանը, որոշումների կայացման գործընթացներում կանանց և երիտասարդության մասնակցության խթանմանը։