Ծրագրի նկարագրություն

Ծրագրի նպատակն է բերել վարքագծային փոփոխության, քանի որ կլիմայի փոփոխության վրա մարդկային գործոնն իր մեծ դերն ունի։ Կատարված նախագծի միջոցով նվազեցվում է թափոնների՝ աղբավայրում հայտնվելը, հանրայնացվում են կարմիրգրքյան կենդանիները, թիրախավորելով մարդկանց զգացմունքները՝ բարձրաձայնվում են կարմիրգրքյան կենդանիների խնդիրների, նրանց պաշտպանության անհրաժեշտության մասին։ Կենսաբազմազանության պահպանությունը առանքային դեր ունի կլիմայի փոփոխության մեղմման գործընթացում։ Մասնավորապես, դասընթաց է անցկացվել  բնապահպանական խնդիրների և դրանց շաղկապվածության վերաբերյալ, որից հետո դպրոցում կազմակերպվել է թափոնների տեսակավորում, աշակերտներն ուսումնասիրել են ՀՀ Կարմիր գրքի որոշ դրոշակակիր տեսակներ, ընտրել որևէ տեսակ և իր բնական չափերին ու գույներին մոտ՝ թափոններից պատրաստել են մոդել (պատրաստվել է կարմիրգրքյան մոտ 25 տեսակ)։ Վերջիններս ներկայացվել են կազմակերպված ցուցահանդեսներին՝ գրավելով մարդկանց ուշադրությունը բնապահպանական խնդիրներին։ Բնասերների խմբակ  յուրաքանչյուր ուսումնական տարում ընդգրկվել են մոտ 15 մասնակից։