Ծրագրի նկարագրություն

Կլիմայի փոփոխությունը ուժեղ ազդեցություն ունի չորային (արիդ) տարածաշրջաններում, որտեղ տարվա տաք շրջանում գոլորշացման և օդի ջերմաստիճանի աճը բերում է չորայնության ավելացման և անապատացման գործընթացի ինտենսիվացմանը: Ծրագրի շրջանակներում վերլուծվել, պարզաբանվել և գնահատվել է ջրաօդերևութաբանական հիմնական բնութագրերի բազմամյա դինամիկան ու միտումները կլիմայի փոփոխության համատեքստում՝ օգտագործելով «Հիդրոօդերևութաբանության և մոնիթորինգի կենտրոն» ՊՈԱԿ-ի բազմամյա դիտարկումների ջրաօդերևութաբանական փաստացի տվյալները։ Արդյունքում՝ վեր են հանվել ջրաօդերևութաբանական հիմնական բնութագրերի արդյունավետ օգտագործման, կանոնավոր թարմացման և պահպանման հիմնահարցերը, կանխատեսվել են ջրաօդերևութաբանական հիմնական բնութագրերի հնարավոր փոփոխությունները 2050 և 2100 թվականների կտրվածքով, գնահատվել են ջրաօդերևութաբանական հիմնական բնութագրերի բազմամյա փոփոխության սոցիալ-տնտեսական հետևանքները և այլն։ Մշակվել և առաջարկվել են դիտարկված փոփոխությունների հետևանքների մեղմման ուղիներ ու կլիմայի փոփոխության նկատմամբ հարմարվողականության միջոցառումներ: