Գործողության նկարագրություն

«Հարմարվողականության ազգային ծրագիր Հայաստանում» ծրագիրը ռազմավարական, ազգային պլանավորման գործընթաց է, որը Հայաստանին հնարավորություն է տալիս հայտնաբերել, անդրադառնալ և վերանայել հարմարվողականության փոփոխվող կարիքները։ Հայաստանը կլիմայի փոփոխության նկատմամբ խիստ խոցելի երկրներից է և կրում է դրա ազդեցությունների շատ լայն շրջանակ. կլիմայի փոփոխության ազդեցությունները զգալի են բոլոր ոլորտներում` գյուղատնտեսությունից մինչև առողջապահություն։ Կլիմայի փոփոխության հետևանքով առաջացած մարտահրավերներին դիմակայելու գործում մեծ է մեդիայի՝ հանրությանն իրազեկելու, կրթելու, թեման հանրության ուշադրության կենտրոնում պահելու գործում։

Ծրագրի «Դիմակայենք կլիմայի փոփոխությանը» ենթածրագրի շրջանակներում հետազոտել և մշակել եմ «Հակակարկտային ցա՞նց, թե՞ հակակարկտային կայան» հոդվածը, որտեղ դիտարկվել է հիդրոօդերևութաբանական վտանգավոր երևույթներից կարկուտի հետևանքները բնության և տնտեսության վրա, փորձ է կատարվել գնահատել նաև դրա դեմ պայքարի՝ Հայաստանում լայնորեն կիրառվող հակակարկտային կայանների արդյունավետությունը հատկապես Լոռու մարզում։