Ծրագրի նկարագրություն

ԷկոԿրթարան նորարական էկոլոգիական կրթության կենտրոնի նպատակն է.

• ձևավորել գիտակից և պատասխանատու սերունդ` ուսուցանելով շրջակա միջավայրի և կլիմայի վրա ազդեցության կառավարման կարևորությունը, 

• տրամադրել գիտելիքներ էկոլոգիայի, էկոհամակարգերի և կլիմայի  փոփոխությունների պատճառների ու հետևանքների մասին, 

• ստեղծել և իրականացնել  գիտահանրամատչելի նորարարական աշխատարաններ, էկոարշավ-աշխատարաններ, վերօգտագործման աշխատարաններ, որոնք կխթանեն գործնականում կիրառել ստացած գիտելիքները և սկզբունքները` ներառյալ ածխածնի արտանետումների կրճատման, էներգիայի խնայողության միջոցները, 

• վերհանել կլիմայի փոփոխության ազդեցությունը էկոհամակարգերի վրա` ուսումնասիրելով հատկապես տեղական կլիմայական փոփոխությունների ազդեցությունը բուսական և կենդանական աշխարհների վրա և խրախուսել հանուն կլիմայական կայունության իրականացվող գործողությունները։ 

ԷկոԿրթարանը ձգտում է ձևավորել գիտակից և պատասխանատու սերունդ, հանրություն, որը պատրաստ է պաշտպանել ու վերականգնել շրջակա միջավայրը և կլիման` հանուն առողջ և կայուն ապագայի։ Էկոկրթարանի «Ծառերը մանրադիտակի տակ» նախագծի նպատակն է` տրամադրելով գիտելիքներ ծառերի կառուցվածքի, առանձնահատկությունների վերաբերյալ` բարձրացնելով մասնակիցների գիտակցությունը ծառերի էկոլոգիական դերի և կլիմայի վրա ազդեցության մասին, հենց բնության մեջ բնությունն ուսումնասիրելով զարգացնել  հետազոտական և վերլուծական հմտություններ, խրախուսել էկոլոգիական պատասխանատվությունը և բնապահպանական գործողությունները, որոնք կնպաստեն կլիմայի փոփոխության մեղմացմանը և կայուն ապագայի ապահովմանը:

Ծրագիրն առաջարկում է գիտահանրամատչելի  աշխատարան-էկոարշավ, որի հիմնական բաղադրիչներն են`

• էկոարշավ հատուկ ընտրված երթուղով՝ լսելով, տեսնելով, ծանոթանալով արժեքավոր ծառատեսակների հետ,

• ընթացքում տարբեր նմուշների հավաքում 

• շարժական լաբորատորիայում ուսումնական հետազոտության իրականացում, 

• տվյալների վերլուծություն, մեկնաբանում, արդյունքների ամփոփում,

• ծառերի ու կլիմայի փոխազդեցության ուսումնասիրություն,

• կլիմայական փոփոխությունների ազդեցության գնահատում,

• քննարկում, կարծիքների փոխանակում, եզրափակում։