Ծրագրի նկարագրություն

ԵՄ «Քաղաքապետերի դաշնագիր՝ հանուն կլիմայի և էներգիայի» նախաձեռնությունը միավորում է հազարավոր տեղական և տարածքային իշխանությունների, որոնք կամավոր կերպով հանձն են առել իրականացնել ԵՄ կլիմայի և էներգիայի նպատակները: Այս համատեքստում ամենամյա կտրվածքով ԵՄ կողմից կազմակերպվում է ԵՄ Կայուն էներգիայի շաբաթ միձոցառումների շարքը, որը միավորում է պետական կառավարման և տեղական ինքնակառավարման մարմիններին, մասնավոր ընկերություններին, հասարակական կազմակերպություններին, համայնքների բնակիչներին և այլ շահառուների՝ Կայուն էներգիայի օրերի միջոցով կլիմայի փոփոխության մեղմման և հարմարվողականության, ինչպես նաև էներգետիկ աղքատության հաղթահարմանն ուղղված նախաձեռնությունների և միջոցառումների խթանման նպատակով՝ հանուն մաքուր, անվտանգ և կայուն զարգացման: 2024 թվականին ԵՄ կայուն էներգիայի շաբաթվա շրջանակում Կայուն էներգիայի օրեր են կազմակերպվել աշխարհի 60 երկրներում, «Քաղաքապետերի դաշնագիր» նախաձեռնությանն անդամակցող ավելի քան 12.000 համայնքներում։

Էներգետիկ անցման և էներգետիկ անկախության ներկա համատեքստում Կայուն էներգիայի շաբաթվա յուրաքանչյուր օր հնարավորություն է խթանելու վարքագծային փոփոխություններ և նորարարություններ ԵՄ-ում և ամբողջ աշխարհում էներգետիկ և կլիմայական նպատակներին հասնելու համար: 2024թ․ էներգետիկ շաբաթն անցկացվեց «Նվազագույն արտանետումներով էներգետիկ լուծումներ մրցունակ Եվրոպայի համար» կարգախոսի ներքո: Այս կարգախոսն արդիական է նաև Հայաստանի համար՝ էներգետիկ անվտանգության ապահովման և ջերմոցային գազերի ցածր արտանետումներով զարգացման երկարաժամկետ ռազմավարություն համատեքստում: Ծրագրի շրջանակներում իրականացվում է համայնքային լուսաբանման արշավների համակարգում, խթանում և մշտադիտարկում։

2019 թվականից ի վեր Հայաստանում Դաշնագրին անդամակցող համայնքների ակտիվ մասնակցությունը ԵՄ Կայուն էներգիայի շաբաթում դարձել է լավ ավանդույթ։ Յուրքանչյուր տարի այդ միջոցառումները լայնորեն լուսաբանվել են։

Ծրագրի հիմնական բաղադրիչներից է ԵՄ Կայուն էներգիայի շաբաթվա շրջանակում էներգախնայողությանն ու վերականգնվող էներգիային նվիրված միջոցառումների անցկացումը Հայաստանի համայնքներում։