Ծրագրի նկարագրություն

Դեբեդ բնակավայրում իրականացվել է դաշտամիջյան ճանապարհների բարեկարգում, Դեբեդի վարչական շենքի տանիքին տեղադրվել են արևային ՖՎ համակարգեր, համայնքում իրականացվել է հանրային լրագրողների վերապատրաստում, ջրագծի կառուցում, ծառատունկ։

Վերջին տարիներին տարածաշրջանը վեր է ածվել մշտական սելավների ու կարկուտի տեղայնացման վայրի, որին հաջորթում է մթնոլորտային բարձր ջերմաստիչանը և երաշտը։ Փոփոխված կլիմայի պատճառով հորդառատ անձրևներն ու կարկուտվ մեծ վնասներ է հասցնում միջհամայնքային,  ներհամայնքային, դաշտամիջյան և  սարամիջյան ճանապարհներին։ Իրականացված ծրագրերը նպատակ են ունեցել նպաստել կլիմայի փոփոխության հարմարվողականությանը, խնդիրների բացահայտմանն ու բարձրաձայնմանը։ Լուսաբանման շնորհիվ խնդիրները ստանում են իրենց համապատասխան արձագանքը և դրանք էլ իրենց հերթին նպաստում են արդյունավետ և շուտափույթ լուծումներ գտնելուն։

Ներհամայնքային ճանապարհներից մոտ 8 կմ ճանապարհհատված պարբերաբար վերանորոգվում է, որը մեծ ծախսեր է ենթադրում իրենից։ Բնության համաշխարհային հիմնադրամի ցուցաբերած աջակցությամբ, գյուղի որոշ հատվածներում կառուցվել են ճամանակավոր ջրահեռացման ակոսներ հիմնական ճանապարհահատվածից ջուրը հեռացնելու նպատակով։ Ծրագրի աջակցությամբ նաև տեղադրվել  է խմոցներ կենդանիների համար։ Պարբերաբար իրականացվում է դասընթաց վերապատրաստումներ բնակիչների համար, մարդու և բնության կապի վերաբերյալ։ Բարեկարգված ճանապարհները խթանել են նաև գյուղատնտեսության զարգացմանը և զգալիորեն ավելացրել վարվող և ցանվող հողատարածքների ափը։ 30 և ավելի տարիներ չմշակվող հողատարածքները օգտագործվում են իրենց նպատակային նշանակությանը համապատասխան։ 

Դեբեդ բնակավայրը խմելու ջրի խնդիր ունի դեռ 90-ական թվականներից։ GIZ-ի աջակցությամբ կառուցվել է ջրագիծ, որի շրջանակներում վերանորոգվել է նաև երկու ջրամբար։ Ջրագծի կառուցման շնորհիվ Դեբեդ բնակավայրի բնակելի տարածք է հասել խմելի ջրի ջրախողովակը։ Ջրամբարների կառուցումը նվազեցրել է ջրի կորուստները։ Բնակավայր հասցված ջուրը կմատակարարի բնակչության 80 տոկոսը։ 

LILA ծրագրի աջակցությամբ Դեբեդ բնակավայրի տանիքին տեղադրվել է 15 ԿՎՏ հզորությամբ արևային կայան։ Կայանի տեղադրրումը նվազեցրել է համայնքապետարանի էլեկտրաէներգիայի ծախսերի կեսից ավելին /այն իր մեջ ներառում է Դեբեդի վարչական կենտրոնի, Դեբեդի փողոցային լուսավորության համակարգ,Դեբեդի Արևիկ մանակապարտեզ ՀՈԱԿ/։ LILA ծրագրի շրջանակներում  Դեբեդ բնակավայրի երիտասարդները ակտիվ ներգրավված են Հանրային լրագրողներ ծրագրի մեջ։

Միջազգային ծրագրերի և ՏԻՄ-ի կողմից ստացած աջակցությունները մեծ առաջընթացի խթան են հանդիսանում։ Բացահայտված և ճիշտ թիրախավորված խնդիրները ելք են հանդիսանում արդյունավետ լուծումների համար։ Բնակիչների և համայնքի միասնական աշխատանքի արդյունքում հնարավոր է քիչ ֆինանսական միջոցներն օգտագործել ավելի նպատակային։