Ծրագրի նկարագրություն

Ծրագրի նպատակն է բարձրացնել իրազեկվածությունը ոչ միայն դպրոցահասակների, այլ նաև բարձրագույն ուսումնական հաստատությունների և ՀԿ-ների շրջանում։ Հիմնադրամի «Բնապահպանական կրթության» բաժինը զբաղվում է կլիմայի փոփոխության հարմարվողականության ու մեղղման վերաբերյալ կրթական գործունեությամբ։ Այս ուղղությամբ ծրագիրն ունի տարբեր համայնքների դպրոցներում հիմնադրած էկոակումբներ, որոնք,  տեղում ստանալով բնապահպանական կրթություն, ներկայացնում են իրենց կողմից փոքրիկ ծրագրեր՝ ուղղված ածխաթթու գազի կլանմանն ու կլիմայի փոփոխության հարմարվողականությանը։ Հիմնադրամն ունի նաև շարժական լսարան, որի միջոցով տարբեր համայնքներում կլիմայի փոփոխությանն ուղղված փորձեր է իրականացնում։ Ծրագրի յուրաքանչյուր բաղադրիչ ուղղված է նրան, որ բոլոր իրազեկված անձինք դառնան «Ակտիվ քաղաքացիներ» և իրենց ներդրումն ունենան կլիմայական բազմաթիվ խնդիրների լուծման մեջ։