Ծրագրի նկարագրություն

«Դասասենյակների էներգաարդյունավետության բարձրացում, քառախցիկ պատուհանների տեղադրում» նախագիծն իրականացվել է «Կանաչ հմտություններ երիտասարդների համար» ծրագրի շրջանակում, որը նախագծային ուսուցման մեթոդով նպաստում էր համապատասխան հմտությունների և կարողությունների զարգացմանը։ Արդյունքում, դպրոցի ֆիզիկայի ուսուցիչը, մասնակցելով կլիմայի փոփոխության և էներգաօգտագործման ուսումնասիրությունների վերաբերյալ դասընթացներին՝ տեսական և գործնական դասընթացներ է անցկացրել դպրոցում ձևավորված «կանաչ» ջոկատի աշակերտների շրջանում։ Դպրոցի շենքում իրականացված էներգաօգտագործման ուսումնասիրություն արդյունքում ջոկատայինների կողմից առաջարկվել է փոխարինել դպրոցի հին պատուհանները։ Առաջարկը ներկայացվել է 10 տարբեր դպրոցների «կանաչ» ջոկատայինների շրջանում անցկացված մրցույթին, ճանաչվել է հաղթող ծրագիր և ֆինանսավորվել։ Արդյունքում՝ դպրոցի 5 դասասենյակի պատուհաններ փոխարինվել են նորով։