Ծրագրի նկարագրություն

Ծրագրի նպատակն է քայլարշավերի միջոցով նպաստել էկոզբոսաշրջության ակտիվացման, դեռ վաղ հասակից ճանաչել լանդշաֆտը իր բնական պայմաններով, ավելի մոտ լինել բնությանը, սիրել բնությունն ու պահպանել այն։

Ծրագիրը լուծել է աշակերտների՝ բնական լանդշաֆտները ճանաչելու, բնական միջավայրում մարդ-բնություն փոխհարաբերությունները զգալու և ճիշտ կառուցելու, բնության մեջ ճիշտ վարքագիծ դրսևորելու կարևորությունը։ 

Ծրագրի իրականացման հիմնական բաղադրիչների շարքին են դասվում տեսական դասերն ու քայլարշավերը։ 3 տարվա ընթացքում ՀՀ մարզերի ամենատարբեր համայնքներում իրականացվել է 50-ից ավել քայլարշավեր, որոնք հենց տեղում բնության մեջ ամրապնդել են «Կլիմայական արկղիկ» ձեռնարկի միջոցով ստացված գիտելիքները։ Քանակական իմաստով ծրագրին 3 տարիների ընթացքում մասնակցել է 200 աշակերտ, 30 ծնող, 60 մեծահասակ։ Որակական առումով այդքան մարդ ծանոթացել է կլիմայի փոփոխության պատճառներին և հետևանքներին, քայլել է ՀՀ արահետներով ձևավորելով վարքագիծ բնության հետ փոխարաբերվելու կանոնների մասին։