Ծրագրի նկարագրություն

Ծրագիրը հնարավորություն է ընձեռում մարզերի երիտասարդներին մասնակցել համայնքային զարգացմանը, առաջնային դարձնելով շրջակա միջավայրի պահպանման նախագծերն, YFC ծրագրի պրակտիկ դասընթացների և թիմային աշխատանքների միջոցով։ Գործողության բաղադրիչներից է՝

• Տարածաշրջանում արահետների կառուցում

• Աջակցել համայնքում բնական ռեսուրսների արդյունավետ կառավարմանը՝ գիտելիքների փոխանակման, հանրության իրազեկվածության և մասնակցության բարձրացման միջոցով:

Չնայած այն հանգամանքին, որ տեխնոլոգիայաի զարգացման հետ առավել կարևորվում է մարդ-բնություն կապի պահպանումը՝ մարդկանց հաճախակի այցերը դեպի բնություն նաև կարող են թողնել բացասական ազդեցություն։ էկո-կիրթ մարդիկ նաև իրենց ներդրումն են ունենում բնությանն հասցված վնասների վերականգնման գործում: Ծրագիրն օգնում է մարդու ազդեցությունը բնության վրա հասցնել նվազագույնի: 

«Մեր համայնքը» ուսուցողական խաղը մշակվել է որպես գործիք՝ օգնելու երիտասարդներին, համայնքային ակտիվ խմբերին, ՏԻՄ-երին և պարզպես հետաքրքրասեր բնակիչներին հասկանալու, թե ի՞նչ է իրենից ներկայացնում բնական ռեսուրսների կայուն կառավարումը և իրական աշխարհի պարզեցված օրինակի վրա փորձարկելու բնական ռեսուրսների կառավարման տարբեր ռազմավարություններ: Որպես բնական ռեսուրսների կառավարման դերակատարներ խաղի մասնակիցները մշակում են տարբեր տնտեսական ոլորտներում բնօգտագործման ռազմավարություններ, և առաջարկում են փոխզիջման մեխանիզմներ տարբեր բնօգտագործողների միջև ծագած վեճերի լուծման համար: Առաջադրանքները հիմնված են բազմաթիվ բնօգտագործողների կողմից շարունակապես աճող էներգիայի, անասնակերի հայթայաթման, արոտավայրերի սակավության, երբեմն նաև սննդի կամ զվարճանքի պահանջի տարածաշրջանների իրական խնդիրների վրա: Խաղը ուսուցանում է, թե ինչպե՞ս նրանք կարող են մասնակից դառնալ իրենց համայնքում բնական ռեսուրսներին առընչվող որոշումների կայացմանը, նպաստել բնօգտագործման արդյունավետ պլանավորմանը, առաջարկել այս կամ այն խնդիրների լուծման տարբերակներ։ Բացի այդ, մասնակիցները ծանոթանում են ոլորտում կիրառվող տարբեր նորարական կանաչ տեխնոլոգիաների հետ, որոնք նպաստում են բնական ռեսուրսների, խնայողությանը և չեն աղտոտում շրջակա միջավայրը: Խաղի ավարտից հետո յուրաքանչյուր թիմ ներկայացնում է իր համայնքի տարածքը և համապատասխան խնդիրների լուծման համար իրականացված միջոցառումները, քննարկվում են բոլոր հնարավոր լուծումները, ներկայացվում է իդելական համայնքի կառավարման օրինակ։