Ծրագրի նկարագրություն

Ծրագրի հիմնական նպատակն է մշակութային արժեքների պահպանումը՝ նորարարական կլիմայական լուծումների կիրառմամբ, ինչպես նաև Լեռնային Ղարաբաղից բռնի տեղահանված և վերաբնակեցված անձանց ինտեգրումը հասարակությանը՝ մշակութային տարրերի պահպանմամբ։

«Զարդանախշերի երկխոսություն» ծրագրի շրջանակում Փամբակ համայնքի Բազում բնակավայրի մշակույթի տան տանիքին տեղադրվել է արևային ֆոտովոլտային կայան՝ նպատակ ունենալով, նորարարական լուծումներին ընդառաջ, որդեգրել կլիմայի փոփոխության մեղման և հարմարվողականության քաղաքականություն։ Արդյունքում, ոչ թե շարունակել օգտվել ՀԷԿ-երի, կողմից արտադրված էլեկտրաէներգիայից, ինչի արդյունքում ուղղակի և անուղղակի վնասներ են հասցվում բնությանը և էկոլոգիային, այլ օգտվել արևի էներգիայից, դրանից ստեղծել, կուտակել սպառման համար անհրաժեշտ քանակի, ինչպես նաև ռեզերվային քանակի էլեկտաէներգիա:

<<Զարդանախշերի երկխոսություն>>  ծրագրի արդյունքում ստեղծվել են գորգագործության և կարպետագործության երկու խմբակներ՝ յուրաքանչյուրում տասը մասնակից, որոնք հավասարապես ներառել են Բազում և Ազնվաձոր բնակավայրերի 15-45 տարեկան կանանց և աղջիկների՝ թե տեղաբնակների շրջանակներից, թե Լեռնային Ղարաբաղից բռնի տեղահանված և վերոնշյալ բնակավայրերում վերաբնակեցված մեր հայրենակիցներից: Տեղադրված արևային ֆոտովոլտային կայանի ստեղծած էլեկտաեներգիայի սպառողներ՝ ծրագրի շահառուներ են հանդիսանում ոչ միայն գորգագործության և կարպետագործության խմբակներ հաճախող թվով 20, այլև բազմաթիվ այլ անձինք, ովքեր հաճախում են Բազում բնակավայրում գտնվող մշակույթի տանը  գործող տարբեր խմբակներ: Մշակույթի տանը գործում է նաև շուրջ 10 անձից բաղկացած նորաստեղծ կարի արտադրամասը, որի աշխատակիցները նույնպես հանդիսանում են պոտենցիալ շահառուներ: