Ծրագրի նկարագրություն

Ծրագրի նպատակն է մաքրել տարածաշրջանի բնակչության համար կենսական նշանակություն ունեցող մեծագույն ջրային պաշարը աղտոտումից, փրկել Արգիճի գետը ճահճացումից և ջրում կենդանական աշխարհի ոչնչացումից: Մաքուր պահելով գետերը մաքրվում է  նաև Սևանա լիճը: Անհրաժեշտ է գետը մաքրել թափոններից, հետևողական լինել գետում թափվող կոյուղաջրերի հանդեպ և խստորեն արգելել և իրականացնել այնպիսի միջոցառումներ, որոնք կստիպեն բնակիչներին չաղտոտել գետը: Ջրի անխնա օգտագործման արդյունքում բանջարաբոստանային աշխատանքների սեզոնին արդեն ջրի մակարդակը ցածր է, և դժվար է իրականանում ոռոգումը։ 

Վերջին անգամ գետում մաքրման աշխատանքներ իրականացվել են 4-5 տարի առաջ։ Իրականացված մաքրման աշխատանքները տեսանելի բարելավել են գետի վիճակը։ Աշխատանքները շարունակվում են և տեղացի երիտասարդները փնտրում են լուծումներ գետի մաքրությունը պահպանելու համար, մասնակցում են տարբեր ծրագրերի գետափնյա թաղամասում աղբամանների տեղադրման համար, սակայն դեռևս որևէ էական արդյունք չի արձանագրվել։