Ծրագրի նկարագրություն

Անի համայքի 17  բնակավայրերում աղբամանների քանակը բավարար չէ, ինչի արդյունքում աղբը հայտնվում է դրա համար չնախատեսված համայնքային տարածքներում՝ այդ թվում մոտակա ձորերում, ձորակներում, առուներում և այլն: Աղբամանների բացակայությունը/ պակասը բերում է նաև նրան, որ համայնքի բնակիչներից շատերը ստիպված աղբը այրում են իրենց բակերում, տնամերձ  հողամասերում,  փողոցներում,  որն  էլ  անմիջականորեն ազդում է օդի որակի և բնակիչների առողջության վրա:

Ծրագրի նպատակն էր համայնքի ակտիվ երիտասարների ներգրավմամբ աջակցել Անի համայքի 1 քաղաքային և 3 գյուղական բնակավայրերում (ք. Մարալիկ, Սառնաղբյուր, Ձորակապ և Լանջիկ գյուղեր) կենցաղային աղբի հավաքման/կառավարման կարողությունների բարելավմանը՝ հիմք դնելով Անի համայքում աղբի տարանջատման գործընթացի մեկնարկին և հասարակության իրազեկության բարձրացման գործընթացների շարունակական իրականացմանը:

Ծրագրի իրականացումն ապահովել է ծրագրով սահմանված նպատակների իրագործմանը և լիարժեքորեն հասել իր նպատակին՝ Անի համայնքում լուծելով մի շարք խնդիրներ, մասնավորապես.

• Անի համայնքի 4 բնակավայրերում աղբամանի տեղադրում՝ միաժամանակ նպաստելով աղբի տարանջատման մշակույթի ներդրմանը,

• աղբի հետ կապված սանիտարահիգիենիկ պայմանների բարելավում, որն իր հերթին կնպաստի «Անի կոմունալ տնտեսություն» հիմնարկի գործունեության արդյունավետութան բարձրացմանը,

• համայնքի բնակիչների իրազեկվածության բարձրացում՝ աղբի կուտակման, այրման/ինքնայրման հետևանքով մարդու առողջության և շրջակա միջավայրի վրա դրա հետևանքների, ինչպես նաև ջերմոցային գազերի արտանետումների հետևանքով կլիմայական ռիսկերի վերաբերյալ,

• համայնքի երիտասարդների ներուժի արդյունավետ օգտագործում` ի նպաստ համայնքում աղբահանության հետ կապված խնդիրների լուծմանը։ Ծրագրի շրջանակներում 16-30 տարեկան ակտիվ երիտասարդներից կազմված 25 հոգանոց թիմի համար անց են կացվել դասընթացներ:

Ձեռք է բերվել 1 ձյունամաքրիչ հատուկ սարք, որը բազմաֆունկցիոնալ է, կատարում է  կանաչապատման, ձյան մաքրման, հողագործական աշխատանքներ, ինչպես նաև ընդհանուր առմամբ 127 աղբամաններ (80 հատը նախատեսված խառը, իսկ 47-ը` պլաստիկ թափոնների համար), որոնք տեղադրվել են Անի համայնքի բնակավայրերում։ Աղբամանների տեղադրման վայրերի ընտրությունն իրականացվել է երիտասարդների հետ համատեղ՝ հաշվի առնելով տարածքում բնակիչների խտությունը, աղբահավաք կազմակերպության մեքենաների մոտեցման հնարավորությունները, տարածքում սպասարկման, սննդի և այլ օբյեկտների առկայությունը և այլն:

Ծրագրի իրականացման ընթացքում երիտասարդներն ունեցել են ակտիվ ներգրավվածություն ծրագրի բոլոր փուլերում՝ խթանելով բնապահպանական խնդիրների վերաբերյալ հասարակության իրազեկության բարձրացմանը, իրականացրել են համայնքային հսկողություն՝ աղբի բաց այրումը կանխելու և տեղադրված աղբամանները պատշաճ վիճակում պահելու, ինչպես նաև ծրագրի արդյունքների տարածման գործում: