Ծրագրի նկարագրություն

Ծրագրի հիմնական նպատակն է բնապահպանական և սոցիալական տեսանկյունից ուսումնասիրել Երևանի էներգաարդյունավետության ծրագրի փուլ 1-ով ընտրված հասարակական շենքերի նախագծանախահաշվային փաստաթղթերը, հետևել շինարարության ընթացքում շրջակա միջավայրի ապահովմանն ուղղված բոլոր նորմերի պահպանմանը, մշակել անհրաժեշտ հաշվետվողական նյութեր։

Երևանի էներգաարդյունավետության ծրագրի 1-ին փուլով նախատեսվում է Երևան համայնքի կողմից ընտրված համայնքային շինությունների էներգաարդյունավետության կայուն բարելավմանը, սեյսմիկ ամրացմանը և վերակառուցմանը, ինչպես նաև իրականացնել հորիզոնական միջոցառումներ (լուսավորության արդիականացում, արևային վահանակների տեղադրում և այլն), որոնց արդյունքում կկրճատվեն հանրային շենքերի էներգետիկ սպասարկման ֆինանսական ծախսերը և արտանետվող CO2 գազի քանակները՝ դրանով իսկ նպաստելով կլիմայի փոփոխության մեղմմանը։:

Ծրագիրը համահունչ է ՀՀ կառավարության «Աղետների ռիսկերի նվազեցման ազգային ռազմավարության» նպատակներին և ուղղված է երկրի սեյսմակայունության ապահովմանը, անհատական և հասարակական անվտանգության մակարդակի բարձրացմանը և երկրի կայուն զարգացմանը: 

Հիմնվելով Երևան քաղաքի առաջնահերթությունների և նախնական ուսումնասիրության վրա՝ Երևանի քաղաքապետարանը ծրագրի առաջին փուլով ընտրել է կառուցման/վերակառուցման ենթակա թվով 15 մանկապարտեզ, իսկ հորիզոնական միջոցառումները կիրականացվեն թվով 47 հասարակական շենքերում։

Ծրագրով ընտրված այս բոլոր հասրակական շենքերի նախագծանախահաշվային փաստաթղթերի ուսումնասիրությամբ՝ ապահովվել է դրանում բնապահպանական և սոցիալական պարտադիր նորմերի ներառումը, անհրաժեշտոթւյան դեպքում՝ շրջակա միջավայրի վրա ազդեցության գնահատման հանրային քննարկումների կազմակերպումն ու ամփոփումը։