Ծրագրի նկարագրություն

«Ջերմասեր բանջարային բույսերի մշակման առանձնահատկությունները լեռնային, կարճ վեգետացիա ունեցող բնակլիմայական պայմաններում» խորագիրը կրող ծրագրի նպատակն է` կլիմայի փոփոխության պայմաններում ներդնել ջերմասեր, բարձրարժեք բանջարեղենների ժամանակակից տեսակներ և նոր սորտեր ու հիբրիդներ, որոնք  էկոլոգիական տարբեր պայմաններում մշակելու դեպքում կարող են զարգանալ լեռնային, կարճ վեգետացիա ունեցող  շրջաններում բարձրարժեք բանջարեղենների արտադրության  ոլորտը:

Հանրապետության ազգաբնակչության շրջանում գրեթե ամենօրյա կերակրացանկում  մեծ տեղ է հատկացված  սննդարար և առողջարար բարձրարժեք բանջարեղենների օգտագործմանը: Հայտնի է, որ  տարբեր մարզերի ազգաբնակչությունը բանջարեղենների իրենց պահանջի մի մասը բավարարում են հիմնականում ներկրումների հաշվին: Սակայն կլիմայի փոփոխության ներկա պայմաններում միանգամայն հնարավոր է տեղում կազմակերպել  բարձրարժեք բանջարեղնների արտադրություն՝ բավարարելով ինչպես սեփական կարիքները այնպես էլ զբաղվել արտահանմամբ:  Հաշվի  առնելով այս հանգամանքը, սեմինարների և փորձացուցադրությունների միջոցով գյուղական բնակչությունը իրազեկվել է կլիմայի փոփոխության պայմաններում բարձրարժեք բանջարեղենների արտադրության գործընթացում կիրառվող վաղահաս տեսակների  ներդրման մասին, որպեսզի նրանց կիրառման շնորհիվ տարբեր մարզերի գյուղական համայնքները զարգանան:  Այդ  տեսակները իրենց մեջ ներառել են բարձրարժեք բանջարեղենների նոր բուժիչ հակաօքսիդենտային հատկություններով և բետտա կարոտինով օժտված նոր սորտերի և հիբրիդների  ավանդական և ոչ ավանդական տեսակների տեղում մշակումը և օգտագործումը: 

Ագրոբիզնեսը խթանելու նպատակով առաջարկվում է 

• Մորմազգի բույսերի ավանդական և նոր տեսակների վաղահաս սորտերի և հիբրիդների ընտրություն և ներդրում ՀՀ լեռնային, կարճ վեգետացիա ունեցող տարբեր էկոլոգիական պայմաններում: 

• Կլիմայի փոփոխության պայմաններում բարձրարժեք բույսերի մշակության  նոր տեխնոլոգիաների կիրառում: 

• Նախորդ դարերում առկա ավանդական, հինավուրց և ներկայիս ժամանակակից բանջարանոցների հիմնադրում, բաց թանգարանների ստեղծում ու փորձացուցադրությունների կազմակերպում:

Գիտնականների կողմից առաջարկված` սննդարար և բուժիչ բանջարեղենների արտադրության ավելացումը ներկայումս լայնորեն տարածվում է աշխարհի գրեթե բոլոր երկրներում, նպաստելով, ինչպես էկոլոգիապես մաքուր, բուժիչ ու օգտակար  պարենամթերքի ստացմանը, այնպես էլ` ագրոբիզնեսին և ագրոտուրիզմին, ստեղծելով նոր ՓՄՁ-ներ, զարգացնելով ընտանեական և կոոպերատիվ բիզնեսը և տարբեր բնակլիմայական պայմաններ ունեցող համայնքները: Գործողությունը նորարարություն է բերել գյուղատնտեսությանը, համայնքին, երկրին, բարելավել և դրական փոփոխություն է ապահովել համեմատաբար կարճ վեգետացիա ունեցող լեռնային, նախալեռնային, լեռնաանտառային համայնքներում ջերմասեր բանջարային մշակաբույսերի տեղերում աճեցմանը։