Ծրագրի նկարագրություն

Ծրագրի նպատակն է նպաստել Ախուրյան համայնքում խելացի կանգառի ստեղծման պիլոտային ծրագրի իրականացմանը, ինչը հնարավորություն կտա բնակիչների համար առավել հարմարավետ պայմաններ ստեղծելուն զուգահեռ՝ խնայել էներգիան և պահպանել բնությունը, կրթել և իրազեկել  հասարակությանը՝ հատկապես դպրոցականների շրջանում բնապահպանության և բնության ռեսուրսների խնայման կարևորության վերաբերյալ, հասարակության մեջ ներդնել աղբի տեսակավորման մշակույթը։

Կանգառասրահի վրա տեղակայվել է արևային պանել, որի շնորհիվ երեկոյան ժամերին փողոցը լուսավորվում է արևից ստացված էներգիայով, կանգառի ներսում տեղադրված է 3 վարդակ, որտեղ անցորդները կարող են լիցքավորել հեռախոսները։ 

Տարածքում նաև նախատեսված են աղբի տեսակավորման աղբամաններ, սակայն այս պահին դեռ այդքան էլ չի ծառայում իր նպատակին։

Ծրագրի շրջանակում նաև իրականացվել է բնապահպանական և բնության խնայմանն առնչվող  իրազեկման արշավներ, որոնք անցկացվել են  Ախուրյան համայնքի  10 տարբեր դպրոցներում՝ Կառնուտ, Կրաշեն, Մեծ Սարիար, Շիրակ, Ջաջուռ, Ախուրյան բնակավայրի 2 դպրոցներում և այլն, որի ընթացքում 120 բարձր դասարանի աշակերտների համար կազմակերպվել են հետաքրքիր և արդյունավետ ուսուցողական հանդիպում-դասընթացներ։