Ծրագրի նկարագրություն

Ծրագրի նպատակն է տեխնոլոգիական կարողությունների փոխանցումը Սևծովյան երկրների շրջանում, տեխնոլոգիական ենթակառուցվածքների և կարողությունների զարգացումը,   առցանց ծառայությունների ստեղծումը, տեղական և տարածաշրջանային դերակատարների ներգրավումը ՊՈՆՏՈՍ պլատֆորմի նախագծման աշխատանքներում։

Ծրագիրի շրջանակներում օգտագործվել են հանրության համար հասանելի «Կոպերնիկուս» համակարգի տվյալներն ու ծառայությունները (օր.՝ «Կոպերնիկուսի» ցամաքի և ծովային միջավայրի մոնիթորինգի ծառայությունները)՝ ստեղծելու առցանց ծառայությունների հարթակ, որն անվճար հասանելի կլինի ինչպես տեղական, ազգային, այնպես էլ ռեգիոնալ շահակիր կողմերի համար:Համակարգի տվյալները համադրվել են տեղական գիտելիքների հետ։

Հաշվի առնելով տարածաշրջանային մարտահրավերները՝ այդ տվյալների կիրառմամբ իրականացվել են թվային քարտեզների պատրաստման և վերլուծման աշխատանքներ։

Արբանյակային տվյալների միջոցով ուսումնասիրվել են այնպիսի պարամետրերի տատանումներ, ինչպիսիք են ուսումնասիրվող տարածքների ջրի ջերմաստիճանը, աղիությունը, օրգանական նյութերը, ջրիմուռների առկայությունը, անտառածածկի փոփոխությունը և դրա ազդեցությունը ջրի որակի վրա և այլն, որպես կլիմայի փոփոխության և անթրոպոգեն ազդեցության հետևանք։

ՊՈՆՏՈՍ-ի շրջանակներում իրականացվել են հետևյալ 5 հետազոտությունները, որպես կլիմայական և անթրոպոգեն ազդեցության հետևանք.

• Քլորոֆիլի կոնցենտրացիայի և էվտրոֆիկացիայի դինամիկայի գնահատում 

• Ջրային հաշվեկշռի, ջրի արտադրողականության, սակավության և ջրային սթրեսի գնահատում 

• Ճահճացած հողերի և լողացող բուսականության ծածկույթի գնահատում  

• Անտառածածկի փոփոխությունների գնահատում և շրջակա միջավայրի վրա դրա ազդեցության գնահատում 

• Ափամերձ գծի փոփոխությունների դինամիկայի գնահատում - DSAS գործիքը կօգտագործվի ափամերձ գոտու էրոզիայի տեմպերը և էրոզիայի «թեժ կետերը» սահմանելու համար 

• Հետազոտությունների արդյունքները բավականին ծավալուն են և ամփոփված են առաձին զեկույցներում, որոնք հասանելի են հետևյալ հղումով․ https://pontos-eu.aua.am/pontos-assessments/