Ծրագրի նկարագրություն

Ծրագրի նպատակն է փրկել բնությունը տեքստիլի թափոններից, վերամշակել այդ թափոնները։ Գործողության խնդիրներից է ձևավորել բնակչության կայուն մտածելակեր․ լավ պահպանված հագուստը փոխանցվում է անապահով ընտանիքներին, իսկ ոչ պիտանին վերամշակվում է և ստեղծվում պիտանի իրեր։ Հայաստանում չկա տեքստիլի վերամշակման գործարան։ Բոլոր ոչ պիտանի  տեքստիլը, ինչպես նաև տեքստիլի արտադրական թափոնները հայտնվում են աղբավայրերում, որոշ մարդիկ ձմռանը այն օգտագործում են որպես վառելիք, ինչը հանգեցնում է օդի, հողի և ջրի աղտոտմանը: Հայաստանում, ինչպես և ամբողջ աշխարհում շրջանաձև տնտեսության զարգացումը կարևոր խնդիր է։ Ծրագրի շնորհիվ մեծ քանակությամբ տեքստիլի թափոններ և հին հագուստ չեն հայտնվում աղբավայրերում կամ չեն այրվում։ Ներգրավված դերձակուհիները ստեղծում են բազմազան իրեր՝  վերմակներ, բարձեր, գորգեր, հագուստ, պայուսակներ, աքսեսուարներ, նկարներ, խոհանոցային պարագաներ, սփռոցներ և փափուկ խաղալիքներ: Կազմակերպության անդամները՝ կին կամավորներն են Հայաստանի բազմաթիվ մարզերից, որոնք իրենց տներում կարում են՝ տարածելով կազմակերպության ուղերձը։ Կազմակերպությունը մասնակցում է ցուցահանդեսների և վաճառքների՝ հնարավորություն ստեղծելով դերձակուհիների համար վաճառվող ապրանքներից ստանալ շահույթ։ Գոչծողության շրջանակում կազմակերպվում են նաև վարպետաց դասեր երեխաների համար, որի նպատակն է երեխաներին ցույց տալ, թե ինչպես կարելի է համատեղել արվեստը արհեստի հետ՝ օգտագործելով ձեռքի տակ եղածը: Այսպիսով, նշված գործողությամբ խրախուսվում է հոգատարությունը բնության հանդեպ։