Ծրագրի նկարագրություն

Գործունեության նպատակներն են

• խթանել համայնքների կանաչ զարգացումը և կառավարումը (իրականացվել է «ԵՄ-ն Շրջակա միջավայրի համար. Կանաչ համայնք՝ դիմակայուն ապագա» ծրագրի շրջանակում),

• հինգ տարում իրականացնել երիտասարդների և կանանց վերապատրաստում, ովքեր հետագայում հնարավորություն կունենան աշխատելու գյուղատնտեսության, ՏՀՏ, զբոսաշրջության և հյուրընկալության ոլորտներում (Հայաստանում աշխատուժի զարգացման ծրագրի շրջանակում «Դեկորատիվ բույսերի ագրոտեխնոլոգիա և լանդշաֆտային դիզայն» վերապատրաստում):

Համայնքների կանաչ զարգացման և կառավարմանն ուղղված ծրագրի իրականացման արդյունքում բացահայտվել են կանաչ կառավարման մոդելի հիմնական բաղադրչները, տրվել են տեղական և միջազգային փորձի հիման վրա լավագույն լուծումներ, ներկայացվել են առկա բացերը և խոչընդոտները, ինչպես նաև լուծումներ են առաջարկվել դրանց հաղթահարման և գործողությունների համար, ֆինանսական աղբյուրների հայթայթման ուղղությամբ: Բնապահպանական կրթության ոլորտում ներկայացվել են հիմնական թիրախները, տրվել են յուրաքանչյուր թիրախի համար  առկա հայեցակարգը: Մասնակցել են ՏԻՄ -ի և կրթության ոլորտի շուրջ 50 մասնակից:

Մասնագիտական վերապատրաստումը կատարվել է մասնավորապես դեկորատիվ բույսերի ագրոտեխնոլոգիա և լանդշաֆտային դիզայն ուղղվածությամբ, որը կապահովի ժամանակակից ինովացիոն գիտելիքներով զինված մասնագետների քանակի ավելացում աշխատաշուկայում, արդիական մոտեցումների և նոր տեխնոլոգիաների տարածում մունիցիպալ կանաչապատման ոլորտում: Նախագծվել և իրականացվել է կանաչապատման ոլորտի արդիական դասընթաց, որը ներառել է տեսական գիտելիքներ և պրակտիկ ժամանակակից հմտությունների ներկայացում առաջավոր միջազգային փորձի վրա հիմնաված լուծումների քննարկում: Մասնակցել են շուրջ 40 մասնակից, որոնցից մի մասը շարունակել է կրթությունը ՀԱԱՀ մասգիստրատուրայում, իսկ մոտ 10 հոգի աշխատում եմ բնակավայրերի կանաչապատման ոլորտում: