Ծրագրի նկարագրություն

Ծրագրի նպատակն է ստեղծել արևային օդի տաքացուցիչ՝ օգտագործելով վերամշակված թիթեղյա տարաներ։ Ծրագիրը կնվազեցնի շրջակա միջավայրի թափոնները, կբարելավի, շինության ներսի օդի որակը՝ օդի շարունակական շրջանառության միջոցով, կապահովի տաքություն՝ ցուրտ ամիսներին և զովություն՝ տաք ամիսներին, ապահովելով սենյակի, հարմարավետ ջերմաստիճանը:

Ստեղծված համակարգն ուղղակիորեն տաքացնում է օդը՝ օգտագործելով վերամշակված ալյումինե տարաներ: Տեղադրվում է շենքի հարավային կողմում, տանիքին կամ պատին, տան ներսում երկու անցք է պահանջում՝ մեկը սառը օդը քաշելու և մյուսը՝ տաք օդը ներս փչելու համար: Օդը ներս է քաշվում օդափոխիչի միջոցով և անցնում տաքացվող ալյումինե բանկաների միջով, այնուհետև տաք օդը հետ է մտնում տուն մյուս անցքով՝ ապահովելով բնական ջերմություն: Համակարգի բնութագրիչ և կառուցման համար այլ տվյալներ․

• Տեղադրվում է տանիքին կամ պատին դեպի հարավ։

• Չափսը՝ 2400 x 1265 մմ։

• Անհրաժեշտ են 234 հատ թիթեղյա տարա, թափանցիկ պոլիկարբոնատային ծածկույթ, օդափոխիչ համակարգ՝ օդի տեղաշարժի համար, ջերմաստիճանին հետևելու սարք, փայտե շրջանակ՝ փայլաթիթեղյա բրդե ծածկույթով {стеклоизоляция}։

• Կառուցվում են խողովակներ՝ 13 տարա մեկ խողովակի համար (ընդհանուր 18 խողովակ), օգտագործվում է ջերմակայուն սիլիկոնե սոսինձ, խողովակները և շրջանակը ներկվում է սև, կառուցվում է շրջանակ: Շրջանակի չափսերը ՝ 2400 x 1265 մմ։

• Շրջանակի վրա տեղադրվում է թափանցիկ պոլիկարբոնատային ծածկույթ։

Նախագիծը զգալի դրական ազդեցություն է թողել ինչպես մեր համայնքի, այնպես էլ շրջակա միջավայրի վրա: Խրախուսելով բնակիչներին վերաօգտագործել ալյումինե տարաները՝ որոշ չափով կրճատվել են թափոնները։ Համայնքը նույնպես աջակցել է այս նախաձեռնությանը՝ հավաքելով տարաներ: Գարնանը համակարգի ներս փչելու ջերմաստիճանը հասնում է մինչև 105°C ջերմաստիճանի՝ արդյունավետորեն տաքացնելով տունը առանց գազի տաքացուցիչների անհրաժեշտության: Գազի ջեռուցումից հրաժարումը ոչ միայն նվազեցնում է տնային տնտեսության ածխածնի հետքը, այլև նպաստում է կլիմայի փոփոխության մեղմացմանը՝ նվազեցնելով ջերմոցային գազերի արտանետումները: Նախագիծը ցույց է տալիս, թե ինչպես փոքր համայնքային նախաձեռնությունները կարող են հանգեցնել զգալի բնապահպանական օգուտների: