Հասմիկ Չարխչյան

Վանաշենի միջնակարգ դպրոցի ուսուցչուհի

Կլիմայական 

ազդեցություն

• «Արարատի մարզում առկա էկոլոգիական խնդիրներ» ծրագիրը միտված է կլիմայական ազդեցության մի շարք բաղադրիչների ուսումնասիրմանը, դրանց նկատմամբ համալիր մոտեցումների մշակմանը, խնդիրների փոխկապակցվածության և պատճառների հայտնաբերմանը, դեռահասների ստեղծագործականության, քննական մտածելակերպի միջոցով խնդիրներիբբացահայտման, բարձրաձայնմանն ու լուծումների առաջադրմանը։

• Մշակելով լուծումներ՝ վերջիններս ստեղծում են կապեր և համագործակցություն իրենց և պետական մարմինների միջև, հաշվետվողականություն սահմանում տարածաշրջանի բնակիչների և նրանց կարիքների բավարարման վերաբերյալ, դրսևորում բարձր մասնակցայնություն տնտեսական և սոցիալական խնդիրների բարելավման, նոր ռեսուրսների և հնարավորությունների ստեղծման գործում։

• Որակական արդյունքը՝ էական և զգալի փոփոխություններ կգրանցվեն մարզի զբոսաշրջային ուղղություններում, կընդլայնվի հետաքրքրությունը և այցելությունը տեսարժան վայրերի, բնության հուշարձանների, պատմամշակութային վայրերի նկատմամբ, նոր նշանակություն և կարևորություն ընձեռնելով տեղի բնակչության սոցիալական և տնտեսական գործունեությանը։

• Քանակական առումով ծրագիրը հիմք կծառայի Հայաստանի այլ մարզերի նմանօրինակ վայրերում առկա հիմնախնդիրների լուծման համար, հիմք կհանդիսանա ռեսուրսների ճիշտ օգտագործման, կլիմայական փոփոխությանը միտված գաղափարների մշակման և իրագործման համար

Գենդերային

 բաղադրիչ

• Ծրագրի հիմնական իրականացնողներն աղջիկներ են: Ուսումնասիրությունները կատարվում են նրանց կողմից, ըստ որի վերջիններս զարգացնում և կատարելագործում են մի շարք կարողունակություններ, որոնք դրսևորվում են թե՛ թիմային, թե՛ անհատական աշխատանքում։ Ծրագիրն օգնում է նրանց բացահայտել իրենց ներուժը, հանդես գալ որպես ակտիվ քաղաքացիներ, ձևավորել քննադատական և վերլուծական մտածելակերպ, ձեռք բերել և ամրապնդել փափուկ և կոշտ հմտություններ։ Վերջիններս իրենց ուսումնասիրությունները տարածում են հասակակիցների շրջանում՝ հետազոտական, խնդրի լուծման առաջադրումները կատարում համադասարանցի տղաների հետ միասին։ 

• Հանրայնացնելով նախագիծը՝ նախատեսվում է լուծմանը միտված աշխատաքներում ընդգրկել թվով հավասարաչափ՝ 30 արական և իգական սեռի դպրոցահասակ երեխաներ Վանաշենի և Դաշտաքարի միջնակարգ դպրոցներից, շուրջ 30 մասնակից շահագրգիռ կողմերից, աշխատակիցներ համայնքապետարաններից և Արարատի մարզպետարանից։

Մասշտաբայնություն/

կրկնօրինակելիություն

• Հաջորդիվ նախատեսվում է նույնատիպ նախագծերի շարք Խոսրովի անտառի պատմամշակութային վայրերին կից տարածքներում։ Ըստ այդմ այն դեռևս չի կրկնօրինակվել, սակայն հանրային հնչեղություն ստանալուն պես նախատեսվում է փորձի փոխանակում այլ մարզերի դպրոցահասակ երեխաների հետ, ինչպես նաև հանրային արշավի իրականացում մարզերի բնության հուշարձանների և պատմամշակութային վայրերի բարեկարգման համար

Կոնտակտային տվյալներ՝

hasmikcharkhchyan77@gmail.com 

Ծրագրի իրականացման վայր՝

ՀՀ Արարատի մարզ, գյուղ Դաշտաքար, «Հրեշտակների ձոր» և մերձակա տարածք, Խոսրովի պետական արգելոց

Համագործակցություն՝ 

Վանաշենի միջնակարգ դպրոց, Վանաշենի և Դաշտաքարի համայնքապետարան, Արարատի մարզպետարան, բջջային կապի օպերատորներ