Ծրագրի նկարագրություն

«ԷԿՈսերվ» Բնապահպանական ծրագրի (ECOserve) նպատակն է Հարավային Կովկասում բնական պաշարների կառավարումը և էկոհամակարգային ծառայությունների պահպանումը գյուղական կայուն զարգացման համար: Ծրագիրն օգնում է իր գործընկերներին հավաքել և վերլուծել տվյալներ՝ խթանելու բնական ռեսուրսների կայուն կառավարումը, ներառյալ բնապահպանական տվյալների մշակման համար թվային տեղեկատվական համակարգերի զարգացումը և բնական ռեսուրսների կայուն օգտագործումն ապահովելու համար իրավական դաշտերի հարմարեցումը, ինչպես նաև աջակցում է կլիմայական պայմաններին հարմարեցված և կենսաբազմազանությանը բարենպաստ կառավարման մեթոդների մշակման հարցում։ Ծրագիրն իր նախագծերով նաև ցույց է տալիս, թե ինչպիսին կարող է լինել անտառների, գյուղատնտեսական հողերի և արոտավայրերի ավելի լավ կառավարումը:  Ծրագիրը բարձրացնում է շրջակա միջավայրի կարևորության մասին իրազեկվածությունը և օգնում է բարելավել տեղեկատվական և կրթական ծառայություններն իր շահառուների համար: