Ծրագրի նկարագրություն

Ընկերության համար ներդրումը ստեղծում է ֆինանսական կայունության ապահովման հնարավորություն, և երկարաժամկետում՝ ծախսատարության նվազեցման հնարավորություն, ինչն անպայման կանդրադառնա մրցունակության բարձրացման վրա: Այդ նպատակով ընկերությանը պատկանող հողատարածքում կառուցվել է 220կՎտ հզորությամբ արևային կայան։ Ֆոտովոլտային կայանի շահագործումը թույլ է տվել ընկերությանը տարեկան ապահովել 16 մլն ՀՀ դրամի խնայողություն՝ տարեկան 319 ՄՎտժ էներգիա արտադրելու արդյունքում: Արտադրող ընկերությունը տեղադրված սարքավորումներին տվել է 10 տարվա երաշխիք, բայց ըստ միջինացված տվյալների՝ նման ներդրումն ունի շուրջ 20 տարվա կյանք: Այսպիսով, ապահովելով հետգնում 5 տարվա ընթացքում, մնացյալ տարիներին կայանը կապահովի կայուն ծախսածածկում՝ հաշվի առնելով այն հանգամանքը, որ նման ներդրումների ընթացիկ ծախսատարությունը նույնպես շատ ցածր է: