Ծրագրի նկարագրություն

Ծրագրի նպատակն է ուսուցման արդյունավետ գործիքները նախագծային ուսումնառության հետ համադրելու միջոցով ձևավորել երիտասարդների համայնք, որն ունի անհրաժեշտ հմտություններ ու փորձառություն Հայաստանն առաջնորդելու էկոլոգիապես կայուն զարգացման ճանապարհով։ Ծրագիրը գործում է երեք փուլով։ Նախ անցկացվում է ինտերակտիվ դասընթաց սննդին, նորաձևությանը, քաղաքներին վերաբերող էկոլոգիական խնդիրների և աշխարհում դրանց տրվող հաջողված ու նորարական լուծումների մասին, աշակերտակենտրոն քննարկումներ, որոնք զարգացնում են քննադատական և ստեղծարար մտածողություն, իրավիճակային խնդիրների վերլուծություններ՝ մենթորի ուղղորդմամբ։ Այնուհետև ձեռք բերված գիտելիքների օգտագործմամբ՝ էկոլոգիական նախագծերի մշակում և գործարկում, որոնք միտված են լուծել աշակերտների համայնքում որևէ էկոլոգիական խնդիր։ Վերջում ստեղծվում է ծրագրի շրջանավարտներից և աշակերտներից կազմված էկո համայնք-պլատֆորմ, որի նպատակն է տարբեր քաղաքներից աշակերտների համագործակցությամբ իրականացնել էկոլոգիական նախագծեր։