Ծրագրի նկարագրություն

Նախաձեռնության նպատակն է հասանելի դարձնել արևային էներգիայի օգտագործումը բազմաբնակարան շենքերի բնակիչների համար։ Հայաստանի բնակչության զգալի մասն ապրում է Երևանում և այլ քաղաքներում, իսկ բնակարանային պայմաններում արևային էներգիայի աղբյուրներից օգտվելը կապված է բարդությունների հետ սահմանափակ տարածքի պատճառով։ Այդ կապակցությամբ մշակվեց և շուկա ներմուծվեց «SolarOn Simple» արևային վահանակը, որը թույլ է տալիս բնակարաններում բնակվողներին օգտվել արևային էներգիայից, արտադրել և սպառել էներգիա, այդպիսով նպաստելով ջերմոցային գազերի արտանետումների նվազեցմանը մթնոլորտ։ «SolarOn Simple» արևային վահանակը 500Վտ հզորությամբ «Plug and Play» արտադրանք է, որն անհրաժեշտ է տեղադրել դեմքով դեպի արևը և պարզապես միացնել վարդակին և արտադրել էներգիա, այդպիսով ունենալ սեփական արևային կայան։