Ծրագրի նկարագրություն

Գործողության նպատակն է մեծացնել աշակերտների իրազեկվածությունն օզոնային շերտի կարևորության մասին և ձևավորել պատասխանատու վարքագիծ շրջակա միջավայրի հանդեպ: Ուսումնասիրությունների միջոցով աշակերտները պարզել են օզոնային խոռոչների առաջացման պատճառները և ազդեցությունը կլիմայի փոփոխության վրա: Հանգելով նրան, որ պատճառը մարդկանց ցածր իրազեկվածությունն է, մշակել են քայլաշար, ըստ որի մշակվել է հարցաթերթ՝ պարզելու օզոնային շերտի, կլիմայի փոփոխության և դրա հետևանքների մասին մարդկանց տեղեկացվածությունը: Աշակերտները հարցազրույցների միջոցով ծանոթացել են օզոնային շերտի մասին մարդկանց գիտելիքներին և ներկայացրել ճիշտ տեղեկատվություն այդ մասին։ Աշակերտների ուժերով նկարահանվել են փոքրիկ անիմացիոն աշխատանքներ, մշակվել է  իրազեկման սցենար, ստեղծվել է սահիկաշար, որը լուսաբանում է մարդու թողած ազդեցությունը շրջակա միջավայրի վրա։