Ծրագրի նկարագրություն

«Բնության բալասանը» այգի-խաղահրապարակ է, որը ստեղծվել է երիտասարդների կողմից անվադողերից, պլաստիկե շշերից և այլ թափոններից՝ վերափոխվելով խաղային ատրակցիոնների, ինչպես նաև ծաղկամանների։ «Անթափոնաստան թանգարանում» ցուցադրվելու են թափոններից ստեղծված առօրյայում օգտագործելի կամ դեկորատիվ ցուցանմուշներ։ «Կափարիչն աղբ չէ» նախաձեռնությունն իրականացվում է ՀՀ և Արցախի ողջ տարածքով` միավորելով տարբեր երիտասարդական ակտիվիստների և դպրոցականների։ Ծրագրերից յուրաքանչյուրի նպատակն է բնությունը զերծ պահել թափոններից` դրանց տալով նոր կյանք, ունենալ ակտիվ երիտասարդներ և համայնքներ, ովքեր կպահպանեն և կսիրեն բնությունը։ Երեք ծրագրերի հիմքում էլ ընկած է ստեղծագործականությունը և այլընտրանքային լուծումները։