Ծրագրի նկարագրություն

Վարկային միջոցներով հիմնվել է ռեսուրսաարդյունավետ ջերմոցային տնտեսություն 2500քմ ընդհանուր մակերեսով, 0.9 հեկտար հողատարածքի վրա: Տնտեսությունում մեկ արտադրական պարբերաշրջանում մշակվել է չերրի տեսակի լոլիկ: Հողային ռեսուրսի խնայման նկատառումներով մշակաբույսերն աճեցվել են կոկոսի մանրաթելի վրա, ինչը նպաստել է էկոլոգիապես առավել մաքուր արտադրանք ստանալուն, իսկ ջրային պաշարի պահման հատկության շնորհիվ էական ջրային ռեսուրս է խնայվել: Նորարարական տեխնոլոգիայի և համապատասխան գիտելիքի կիրառման արդյունքում պարարտանյութերի և սնուցող նյութերի կորուստը հասցվել է նվազագույնի։ Ջրի բաշխումը համաչափ է, այն վերահսկվում է ջրի յուրաքանչյուր շիթի հետ: Ոռոգման այս համակարգը սովորաբար աշխատում է ավելի ցածր ճնշման տակ, քան մյուսները՝ նվազեցնելով էլեկտրաէներգիայի ծախսը։ Տնտեսությունը նոր արտադրական պարբերաշրջանում պլանավորում է մշակել վարդեր: