Ծրագրի նկարագրություն

Քաղաքի կայուն զարգացման նպատակով Վանաձոր համայնքը անդամակցել է ԵՄ «Քաղաքապետերի դաշնագիր Արևելք» ծրագրին և մշակել Կայուն էներգետիկ զարգացման ծրագիրը, Վանաձոր քաղաքի շրջակա միջավայրի գործողությունների ծրագիրը, միացել է նաև ԵՄ «Դաշինք հանուն կայուն և կանաչ կառավարման» ծրագրին, քաղաքում իրականացնում է նաև ծրագիր՝ ուղղված օդի աղտոտվածության նվազեցմանը։ Քաղաքը վերցրել է հանձնառություն կրժատելու CO2 արտանետումները մինչև 30%, ավելացնելու կանաչ տարածքները, պահպանելու շրջակա միջավայրը, գետերի հուներն աղտոտվածությունից, ինչպես նաև խրախուսելու աղբի տեսակավորումը։ Նախատեսվում է ձեռք բերել 5 էլեկտրոավտոբուս՝ իրենց տոմսավավերացման համակարգով, 300 աղբարկղ պլաստիկի և խառը աղբի համար, ինչպես նաև պլաստիկի վերամշակման հոսքագիծ։ Նախատեսվում է նաև անցկացնել մի շարք ուսուցողական արաշավներ, կազմակերպել «կանաչ» տրանսպորտի շաբաթ, աղբի տեսակավորմանն ուղղված մի շարք միջոցառումներ։ Ծրագրերի իրականացման վերջնական արդյունքում Վանաձորը կդառնա «կանաչ» քաղաք, կունենա կրթված հասարակություն, տեսակավորված ու վերամշակված աղբ և մաքուր մթնոլորտ։