Ծրագրի նկարագրություն

Ծրագրի նպատակն է նպաստել էներգաարդյունավետության և վերականգնվող էներգիայի վերաբերյալ հանրային իրազեկվածության և իրավական գիտակցության մակարդակի բարձրացմանը՝ ձևավորելով էներգախնայողությանը  համապատասխանող մշակույթ։ Ծրագրի շրրջանակներում իրականացվել են հետևյալ գործողությունները՝ 

• Էներգաարդյունավետության կենտրոնի հիմնում Դիլիջան քաղաքում՝ բոլոր շահագրգիռ կողմերի մասնակցությամբ հանդիպումներ և կլոր սեղան-քննարկումներ կազմակերպելու, ինչպես նաև նախաձեռնող խմբերի ձևավորման ու դրանց աշխատանքների համակարգման նպատակով,

• Քաղաքացիական ներգրավվածության և մասնակցային որոշումների կայացման խթանում,

• Էներգաարդյունավետության մշակույթի հնարավորությունների և հարակից խնդիրների (բնապահպանական, սոցիալական) հանրային քննարկումների կազմակերպում,

• Համայնքային էներգաարդյունավետության ծրագրերի մշակում:

Արդյունքում՝ կազմակերպվել են քարոզարշավներ 18 գյուղական և 5 քաղաքային դպրոցներում և 2 քոլեջներում՝ կինոդիտուման և քննարկման տարբերակով, կամզկաերպվել են մրցույթներ 23 դպրոցներում՝ շարադրությունների, նկարների, էլեկտրականության սպառման անդորրագրերի միջոցով , եղել են պարային ֆլեշմոբեր, տրամադրվել են տեղեկատվական բուկլետներ և մրցանակներ։