Ծրագրի նկարագրություն

Գործունեության նպատակն է խթանել անտառային և կլիմայական բարենպաստ տեխնոլոգիաների վերաբերյալ տեղեկացվածությունն ու հմտությունները: Սույն ծրագիրը վերաբերում է անտառների կառավարմանը, վերականգնվող էներգիայի աղբյուրների օգտագործմանն ու աղքատության  նվազեցմանը՝  Լոռու մարզում  արդիական բազմաֆունկցիոնալ  չորանոցների, ջրատաքացուցիչների կառուցման, տների ջերմամեկուսացման և այդ գաղափարներիի տարածման միջոցով: Ծրագրի իրականացման ընթացքում ընտրված գյուղերում կազմակերպվել են դասընթացներ «Կայուն անտառօգտագործում և անտառպահպանություն, անտառների մոնիթորինգ», «Կլիմայի փոփոխության վրա ազդեցություն», Արևային չորանոցների կառուցում, «Բնակարանների ջերմամեկուսացում», «Արևային ջրատաքացուցիչների կառուցում», ինչպես նաև ամառային ճամբարի կազմակերպում՝ հայ և վրացի երիտասարդների հետ: Ծրագրի շրջանակներում ընտրված երեք գյուղերում կառուցվել է 15 արևային չորանոց, տեղադրվել՝ 6 արևային ջրատաքացուցիչ, իրականացվել է  6 տների ջերմամեկուսացում։ Ծրագրի շրջանակներում հրատարակվել են երկլեզու գրքույկներ-ուղեցույցեր արևային չորանոցների և  ջրատաքացուցիչների կառուցման, բնակարանների ջերմամեկուսացման վերաբերյալ։