Առաջադրող՝ «Հանրային իրազեկման և մոնիտորինգի կենտրոն» ՀԿ
Մարի Չաքրյան
«Հանրային իրազեկման և մոնիտորինգի կենտրոն» ՀԿ նախագահ, Ծրագրի ղեկավար
Ծրագրի նկարագրություն
Ծրագրի նպատակն է բարձրացնել Լոռու, Շիրակի և Կոտայքի թիրախային բնակավայրերի տնային տնտեսությունների, հատկապես կանանց և երիտասարդների իրազեկվածության մակարդակը էներգիայի օգտագործման, առօրյա կյանքում էներգախնայողության, ինչպես նաև վառելափայտի և գոմաղբի սպառման և արոտավայրերի արժեքի այլընտրանքների, գյուղական բնակչության էներգաարդյունավետության, անվտանգության բարձրացման և բնական ռեսուրսների վրա ճնշումը նվազեցնելու վերաբերյալ: Ստեղծվել են տեղեկատվական նյութեր, թեմատիկ ինֆոգրաֆիկներ, բառարան, հայերեն Վիքիպեդիայում ստեղծվել են թեմատիկ հոդվածներ, ինչպես նաև կրթական նյութեր՝ մասնավորապես երիտասարդներին իրազակելու/կրթելու համար ստեղծվել է սեղանի էկոկրթական «Էներգապոլիա» խաղը:
Կլիմայական
ազդեցություն
Կրճատված ջերմոցային գազերի արտանետումներ
Հայերեն Վիքիպեդիայում՝ 45 թեմատիկ հոդված
Ավելի քան 500 իրազեկ տարբեր տարիքային խմբերի ներկայացուցիչներ
էներգաարդյունավետության 5 իրականացված գաղափար
3 բնակավայրերում տեղադրված սմարթ արևային վահանակներ
Գենդերային
բաղադրիչ
Կանանց իրազեկելու համար որպես առավել արդյունավետ միջոց կիրառվել են զրույցներ սուրճի սեղանի շուրջ, որպեսզի հնարավորինս մտերմիկ զրույց լինի էներգաարդյունավետությանն առնչվող առօրյա հարցերի շուրջ՝ #էներգասրճազրույցներ, որին մասնակցել է 150 կին
Մասշտաբայնություն,
կրկնօրինակելիություն
Էներգապոլիա խաղը կարելի է թարգմանել նաև այլ լեզուներով, կիրառել էներգաարդյունավետության ու բնապահպանական էկոկրթական ծրագրերում
Կանանց հետ սուրճի սեղանի շուրջ զրույցները արդյունավետ են և կարող են կիրառվել որպես գյուղական համայնքների կանանց իրազեկման միջոց
Ծրագրի իրականացման վայր՝
ՀՀ, Լոռու, Շիրակի, Կոտայքի մարզեր (30 բնակավայր), ք․ Երևան
Համագործակցություն՝
Գերմանական միջազգային համագործակցության ընկերություն (ԳՄՀԸ-GIZ)