Ծրագրի նկարագրություն

• էկոլոգիկան կրթությունը և դաստիարակությունը բազմեզր երևույթներ են, և հնարավոր չէ դրանք արդյունավետ իրականացնել առանց համակարգային մոտեցման, միչդեռ դպրոցում էկոկրթությունը մասնատված է ըստ առարկաների: Խնդրի լուծման առաջին ուղին միջառարկայական համագործակցության մեջ է, երկրորդ և առավել գործնական քայլը՝ տեսական գիտելիքներից անցումն է գործնականի: Հետևաբար, գործնական ուղու լուծման տարբերակը էկոակումբի ստեղծումն էր, որի նպատակներն են էկոլոգիական գիտակցության ձևավորումը (գիտական, տնտեսական, մշակութային և քաղաքական), սովորողների աշխարհայացքի վերաուղղորդումը, շրջակա միջավայրի վերաբերյալ համակարգված գիտելիքների, բնապահպանական գործունեության հմտությունների և ընդհանուր էկոլոգիական մշակույթի յուրացումը: Էկոխմբակը ամեն ուսումնական տարի հավաքագրվում է, ունի կարգախոս, լոգո, կանոնադրություն, ունի ավագ, տարբեր ոլորտների և աշխատանքների համակարգողներ (մթնոլորտ, ջրոլորտ, կենսոլորտ, քարոլորտ), բնասերի օրացույց։ Բնապահպանական կրթությունը հենվում է «տեղեկացում - զգացմունք - փորձառություն - հայեցողություն - գործողություն» գործառութային շղթայի վրա: Խմբակը գործում է կամավորական սկզբունքով։