Ծրագրի նկարագրություն

Ծրագրի նպատակն է հանրային մասնակցության խթանումը կլիմայի փոփոխության դեմ պայքարի գործընթացում՝ կարևորելով համայնքներում բնապահպանական կրթությունը էկոլոգիական մշակույթի ձևավորմամբ և համապատասխան գործողություններով, բաղկացած հետևյալ քայլերից՝

• Ոչ ֆորմալ դասընթացներ, որոնց միջոցով շահառուներն իրազեկվել են կլիմայի փոփոխության և դրա պատճառների, մեղմմանն ու հարմարվողականությանն ուղղված գործողությունների մասին,

• Հետաքրքրված մասնակիցների կողմից իրականացվել են թիմային հետազոտական աշխատանքներ, աշխատանքների քննարկում, բացթողումների լրացում և հետագա քայլերի մշակում։ Հավաքագրված տվյալների հիման վրա մշակվել է հեղինակային 4 սցենար։ Կազմակերպվել է նաև թատերական խաղ երեխաների ակտիվ ներգրավմամբ։

• Երիտասարդների և դպրոցականների մասնակցությամբ մշակվել և իրականացվել են գործողություններ, մասնավորապես տեքստիլ թափոններից կարվել են բազմակի օգտագործման պայուսակներ, տետրերից պատրաստվել են փաթեթեավորման թղթեր, տպագրվել են «Ո՛չ պոլիէթիլենային տոպրակներին» խորագրով տեղեկատվական թերթիկներ։