Ծրագրի նկարագրություն

Գործունեության նպատակն է ցուցադրական օրինակների մոդելների ստեղծման միջոցով բարձրացնել բնակչության իրազեկվածությունը էներգաարդյունավետության վերաբերյալ՝ ի նպաստ կլիմայի փոփոխության կանխարգելման, Սևանա լճի պահպանության և ափամերձ համայնքների սոցիալ-տնտեսական զարգացման, այդ թվում՝ էներգետիկ աղքատության նվազեցման։ Գործողությունները ներառել են՝ 

• ՏԻՄ-երի կարողությունների զարգացում, էներգաարդյունավետության գնահատում՝ արագ գնահատման մեթոդով, էներգաարդյունավետության բարելավման պլանների կազմում։ Ստեղծվել է «Լճաշեն համայնք» կլիմայական ներդրումային շրջանառու հիմնադրամը, որտեղ կուտակվում են արդիականացված փողոցային լուսավորության տնտեսումները՝ էներգաարդյունավետությունը բարելավող և վերադարձելիություն ունեցող այլ նախագծեր իրականացնելու նպատակով։

• Էներգաարդյունավետության ցուցադրական օրինակների իրականացում և նորարարական կենտրոնի ստեղծում Ծովագյուղում։ Շարունակաբար իրականացվում են իրազեկման քարոզարշավներ։