Ծրագրի նկարագրություն

«Տաք դպրոց» ծրագրի շնորհիվ Գեղարքունիքի մարզի Անտառամեջի և Կալավանի միջնակարգ դպրոցներում թղթի, փայտի և ծղոտի մնացորդների վերաօգտագործմամբ պատրաստվել է այլընտրանքային վառելիք՝ բրիկետներ։ Բրիկետներն արտադրվել են դպրոցներում՝ անձնակազմի և աշակերտների մասնակցությամբ, զարգացնելով համապատասխան հմտությունները և լուսաբանելով տեխնոլոգիայի առավելությունները։ Բրիկետների արտադրման համար օգտագործվել է փայտի թեփ, օգտագործված ստվարաթուղթ, թղթի թափոններ, ծղոտ։ Ծրագիրը իրականացնելիս հաշվի է առնվել գյուղերի բարձր լեռնային դիրքը և ջեռուցման առկա խնդիրները, ինչպես նաև իրենց մոտ առկա բրիկետի արտադրության համար անհարժեշտ բաղադրիչները։ Աշակերտների շրջանում իրականացվել են հեռավար դասընթացներ դպրոցներում։ Արդյունքում՝ դպրոցը լուծել է ջեռուցման խնդիրն առանց ֆինանսական ծախսերի, նպաստելով դպրոցականների կրթության համար բարենպաստ պայմանների ստեղծմանը, նրանց առողջության և բնական էկոհամակարգերի պահպանմանը։