Ծրագրի նկարագրություն

«Լուսավոր դպրոց» նախագիծն առաջարկվել և իրականացվել է «Կանաչ հմտություններ երիտասարդների համար» ծրագրի շրջանակում, որի նպատակն է դպրոցում բարձրացնել իրազեկվածությունը՝ ուղղված կլիմայի փոփոխության ազդեցության մեղմմանն ու ադապտացմանը, սովորողներին մասնակից դարձնել դպրոցի էներգաօգտագործման գնահատմանը և էներգաարդյունավետության բարձրացման աշխատանքներին։ Ֆիզիկայի ուսուցիչի ղեկավարությամբ ձևավորված «կանաչ» ջոկատի կողմից առաջարկվեց «Լուսավոր դպրոց» նախագիծը և արդյուքնում կառուցվեց 10կՎտ դրվածքային հզորությամբ ֆոտովոլտային կայան, որը տարեկան կարտադրի 16 000 կՎտԺ էլեկտրաէներգիա՝ տարեկան կտրվածքով խնայելով 768000 ՀՀ դրամ։ Գումարը կուղղվի դպրոցի էներգաարդյունավետության բարձրացմանն ուղղված այլ միջոցառումներին, օրինակ՝ LED լամպերի ձեռքբերմանը: Դպրոցի աշակերտների անիմիջական մասնակցությամբ իրականացվեցին արևային կայանի տեղադրման աշխատանքները, այդպիսով աշակերտները ձեռք բերեցին գործնական հմտություններ և իրազեկվեցին «կանաչ» տեխնոլոգիաների բնապահպանական և սոցիալ-տնտեսական օգուտների մասին: