Ծրագրի նկարագրություն

Կարևորելով կլիմայի փոփոխությամբ, բնական միջավայրի էկոլոգիական հավասարկշռության խախտմամբ պայմանավորված մարտահրավերները՝ դպրոցում իրականացվում է էկոկրթություն՝ բնապահպանական, կլիմայի փոփոխության հակազդման, էներգաարդյունավետության վերաբերյալ գիտելիքի և հմտությունների փոխանցմամբ։ Դպրոցում ստեղծվել է Բնագետների խմբակ և հատկացվել համապասխան դասասենյակ: Խմբակում սովորեցնում են սերմեր ծլեցնել և ցանել, խնամել բույսը, նպաստել անտառապահպանմանը: Կրթության՝ որպես սկզբունքային բաղադրիչ, համարվում է պրակտիկ գիտելիքների փոխանցումը։ Այդ սկզբունքով իրականացվել են «Մինի այգու հիմնում», «Աճենք միասին», «Ծառ ցանիր» ծրագրերը։ Օրինակ՝ դպրոցամերձ տարածքում հիմնվել է այգի, որտեղ աշակերտները կիրառել են դասասենյակներում ստացված գիտելիքները, իսկ բերքը վաճառել կազմակերպված տոնավաճառ - ցուցահանդեսի ժամանակ։ Դպրոցը ընդգրկվել է նաև ««Կանաչ» հմտություններ երիտասարդների համար» ծրագրում, որի արդյունքում ձևավորվել է «կանաչ» ջոկատ, մասնակցել են դպրոցի շենքի էներգետիկ գնահատմանը, դրա հիման վրա առաջարկել էներգարդյունավետության բարձրացման ծրագիր և հաղթող ճանաչվել մրցությում։ Արդյունքում՝ դպրոցի տանիքին տեղադրվել է արևային ֆոտովոլտային համակարգ։