Առաջադրող՝ Էներգախնայողության աջակցման հիմնադրամ
Թամարա Բաբայան
Ծրագրի ղեկավար (2018-2020թթ․)
ԵՄ-ն հանուն Հայաստանի կայուն էներգետիկայի
02/2018 - 04/2022
«Կլիմայի փոփոխության մեղմմանն ուղղված լուծումներ» անվանակարգում կիսաեզրափակչի մասնակից
Ծրագրի նկարագրություն
«Եվրոպական միությունը հանուն Հայաստանի կայուն էներգետիկայի» ծրագրի շրջանակներում իրականացվել են վերականգնվող էներգետիկայի խթանման միջոցառումներ: Այս նախագծերի իրականացումը ենթադրում է համայնքներում նոր մշակույթի, առևտրային նոր հարաբերությունների ձևավորում ու զարգացում: Ծրագրի շրջանակում Ապարան համայնքում ստեղծվել է համայնքահեն, ինքնավար արևային էներգիայի արտադրության երկու համակարգ, որոնք աշխատում են Հայաստանի էլեկտրացանցի հետ զուգահեռ ռեժիմում՝ տարեկան ընդհանուր 52 ՄՎտժ հզորությամբ։ Համայնքի առաջարկով 22 կՎտ և 11 կՎտ արևային ֆոտովոլտային էներգետիկ համակարգերը տեղադրված են համայնքապետարանի և Մշակույթի տան հարևանությամբ, որի արդյունքում երկու շենքերում էլ հնարավոր է դարձել ապահովել էլեկտրաէներգիայի էական խնայողություն համայնքի համար։ Ծրագրի իրականացմանը զուգընթաց՝ մասնակից համայնքում իրականացվել են նաև իրազեկվածության բարձրացմանն ուղղված միջոցառումներ:
Կլիմայական
ազդեցություն
Շուրջ 30%-ով էներգետիկ ծախսերի կրճատում
Ածխածնային ոտնահետքի նվազեցում
էներգետիկ լուծումներով «կանաչ քաղաք»-ի համակարգային անցում
Գենդերային
բաղադրիչ
Ղեկավար անձնակազմը՝ կանայք են։ Տեխնիկական անձնակազմի 70% և շահառուների 64%-ը կանայք են
Առաջնորդվել է կնոջ կողմից, ով կիրառել է նորարարական լուծումներ և ազդեցություն ունեցել քաղաքականության մշակման գործընթացներում
Մասշտաբայնություն,
կրկնօրինակելիություն
Կայուն դրամական հոսքի աղբյուր համայնքի համար
Համայնքային բնակիչները ցանկություն են հայտնել իրենց տան տանիքներին տեղադրել արևային համակարգեր
Կոնտակտային տվյալներ՝
tbabayan@worldbank.org
Ծրագրի իրականացման վայր՝
ՀՀ Արագածոտնի մարզ, ք․ Ապարան
Համագործակցություն՝
Եվրոպական Հանձնաժողով, Ապարանի համայնքապետարան, ԵՀ «Քաղաքապետերի դաշնագիր՝ ցուցադրական նախագծեր»
Տրամադրված այլ տեղեկատվություն թեկնածուի մասին՝
Թամարա Բաբայանն ունի շուրջ 20 տարվա փորձ էներգաարդյունավետության և վերականգնվող էներգիայի զարգացման ոլորտում, ներառյալ տեխնոլոգիաների, ներդրումների վերլուծության, ֆինանսավորման մեխանիզմների, կլիմայի փոփոխության մեղմման, ներդրումային և տեխնիկական աջակցության ծրագրերի մոնիտորինգի և գնահատման, կայուն էներգետիկայի նախագծերի կառավարման, քաղաքականության մշակման ոլորտում:
Երկար տարիներ գլխավորել է ՀՀ Վերականգնվող էներգետիկայի և Էներգախնայողության Հիմնադրամը, 2017 թվականից ի վեր միացել է Էներգախնայողության աջակցման հիմնադրամին՝ մինչև 2020 հոկտեմբերը ղեկավարել է EU4ASEP նախագիծը Եվրամիության համար:
Աշխատել է բնակելի, մունիցիպալ և ՓՄՁ հատվածների էներգաարդյունավետության, ներառյալ շրջանառու միջոցների, առևտրային բանկերի և քաղաքապետարանների և HOA-ների միջոցով ֆինանսավորման մեխանիզմների մշակման և ներդրման ծրագրերում: Ակտիվ մասնակցություն ունեցել կլիմայի փոփոխության գլոբալ գործընթացներին Կլիմայի ներդրումային հիմնադրամների կառավարման մարմինների, ESMAP-ի գործունեության, գիտելիքի փոխանակման գլոբալ ֆորումների և այլնի հարթակների միջոցով: