Ծրագրի նկարագրություն

Ծրագրի նպատակն է ապահովել և մաքուր պահել Հայաստանի քաղցրահամ ջրերի 25% պաշարը, նպաստել Սևանա լճի էկոհամակարգի վերականգնմանը և պահպանությանը։ Լրագրողական հետաքննական նյութերի հրապարակումների միջոցով առաջ են բերվել խորքային խնդիրներ՝ նպաստելով կլիմայի փոփոխության համատեքստում համակարգային լուծումների։ Ծրագրի գործողությունները ներառել են լրագրողական հետաքննական նյութերի հրապարակում, ֆիլմերի պատրաստում, հարցումներ պետական մարմինների շրջանում, տվյալների հավաքագրում, ուսումնասիրություններ, վերլուծություն, բնապահպանական արշավներ։ Գործողությունների արդյունքում բարձրացել է մարզերում քաղաքացիների իրավագիտակցության մակարդակը և պատասխանատվությունը բնության հանդեպ։ Համայնքներում հանքեր շահագործելու նպատակով անցկացվող հանրային լսումները բոյկոտվել են ազդակիր համայնքների կողմից։ Վայոց Ձորի մարզի 5 համայնքում բնապահպանական ակտիվի կողմից բարձրաձայնված խնդիրների լուծումը գտնվել է  13,000 հանրագրերի ստորագրմամբ՝ իրենց համայնքները որպես էկոտնտեսական տարածք հռչակելու ու մետաղական հանքարդյունաբերությունը մերժելու համար։