Ծրագրի նկարագրություն

Ծրագրի նպատակն է բարձրացնել հանրային շենքերում և բնակավայրերի արտաքին լուսավորության ցանցերում էներգասպառման արդյունավետությունը: Ծրագրում ներդրվել է նորարարական  զուտ բերված արժեքի (ԶԲԱ) վրա հիմնված գնումների մեթոդը: էներգախնայողության միջոցառումների իրականացման հայտերը գնահատվել են ԶԲԱ-ի հիման վրա նվազագույն գնի փոխարեն: Իրականացած էներգախնայող միջոցառումների շարքում են արտաքին պատուհանների և դռների փոխարինումը, տանիքների և արտաքին պատերի ջերմամեկուսացումը,  արդիական ջեռուցման, տաք ջրամատակարարման և օդի լավորակման համակարգերի տեղակայումը, արհեստական լուսավորության արդիականացումը, ջերմային պոմպի, արևային ջրատաքացման և ֆոտովոլտային համակարգերի տեղակայումը: Ծրագրի շահառուների հետ կնքվել են էներգետիկ ծառայությունների մատուցման համաձայնագրեր, որի արդյունքում կատարվում է ներդրված գումարի վերադարձ և  ձևավորվում է շրջանառու ֆոնդ: Վերջինս հնարավորություն է տալիս շարունակել էներգախնայողության միջոցառումներ իրականացնել այլ հանրային օբյեկտներում: