Դիմելու կարգը

Կլիմայի փոփոխության բնագավառում 

• իրականացված լուծումների մրցույթին մասնակցելու համար հարկավոր է լրացնել հետևյալ էլեկտրոնային հայտադիմումը, 

• իսկ լուծման գաղափարով մրցույթին մասնակցելու համար հարկավոր է լրացնել հետևյալ էլեկտրոնային հայտադիմումը։

Հայտադիմումների ներկայացման վերջնաժամկետն է 2024թ. հուլիսի 15-ը, ժամը 14:00։

Ո՞վ կարող է դիմել

Իրականացված ծրագրերի մասով

Մրցանակաբաշխությանը մասնակցության դիմում-հայտերն ընդունվում են ինքնաառաջադրմամբ կամ այլոց կողմից առաջադրմամբ։ 

Անվանակարգերի մասնակից կարող են լինել կանայք և աղջիկները, որվքեր՝

• հանդիսացել են ներկայացվող ծրագրի, նախագծի, գործողության կամ լուծման ղեկավար, նախաձեռնող, համակարգող, կամ

• ունեցել են մասնագիտական ներդրում (իրավական, ֆինանսական, տնտեսական, կլիմայական և այլն) ծրագրի, նախագծի, գործողության կամ լուծման իրագործման մեջ։

Թեկնածու առաջադրել կարող են պետական մարմինները և ոչ պետական կազմակերպությունները, այդ թվում՝ միջազգային կառույցները,  կրթական հաստատությունները, հասարակական կազմակերպություններն ու մասնավոր ընկերությունները։ Կազմակերպությունը կամ կառույցը կարող է առաջադրել մեկից ավելի ծրագիր/լուծում և թեկնածու։ Յուրաքանչյուր անվանակարգի համար կարելի է ներկայացնել միայն մեկ թեկնածու: 

Ինքնաառաջադրվելու պարագայում անհրաժեշտ է ներկայացնել առնվազն մեկ երաշխավորագիր-նամակ։ Հայտադիմումը լրացնելիս, թեկնածուն պետք է նշի մեկ կամ մի քանի երաշխավորի էլեկտրոնային հասցե, որոնց կազմակերպիչների կողմից կուղղվի երաշխավորագիր տրամադրելու նամակ-առաջարկ։

Խաչաձևող խնդիրների լուծմանն ուղղված գործողությունները կարող են առաջադրվել առավելագույնս երկու անվանգակարգում։ 

Ներկայացվող լուծումները պետք է իրականացված լինեն վերջին երեք տարվա ընթացքում: 

Ընտրության չափորոշիչներին բավարարող բոլոր ծրագրերը կամ լուծումները կհրապարակվեն միջոցառման էլեկտրոնային գրքույկում։ 

Իդեաթոնի կամ սկսնակ նախածերի մասով

Մտքերի կամ սկսնակ նախագծերի շրջանում մասնակից կարող են հանդիսանալ մտքի, գաղափարի, ծրագրի նախաձեռնող և/կամ ղեկավարող կանայք կամ աղջիկները։

Հայտադիմում

Հայտադիմումը բաղկացած է հետևյալ մասերից՝

Ինքնաառաջադրվողի պարագայում՝

• Դիմողի վերաբերյալ տվյալներ

• Ծրագրի վերաբերյալ տեղեկատվություն

• Առնվազն 2 երաշխավորողի կոնտակտային տվյալներ [երաշխավորողը պետք է Ձեզ ճանաչի աշխատանքային գործունեության շրջանակում, կարող է լինել ղեկավար, գործընկեր, շահառու և այլն]:

Առաջադրողի պարագայում՝

• Առաջադրողի վերաբերյալ տվյալներ

• Արաջադրված թեկնածուի վերաբերյալ տվյալներ

• Ծրագրի վերաբերյալ տեղեկատվություն

Առաջադրման հայտադիմումին կարող եք ծանոթանալ այստեղ, իսկ ինքնաառաջադրման հայտադիմումին՝ այստեղ:

Ժամանակացույց

Հունիսի 10 - 30 - Հայտերի լրացման վերաբերյալ առցանց պարզաբանումներ, ինչպես նաև հարց-պատասխան ձևաչափով հանդիպումներ հունիսի 15-ին և 22-ին առցանց Zoom հարթակում՝ ըստ պահանջի։ Առցանց հանդիպմանը մասնակցելու համար հարկավոր է նախապես գրանցվել այստեղ։ Հարցերի կամ պարզաբանումների համար անհրաժեշտ է գրել awards@wice.am էլեկտրոնային հասցեին։ 

Մինչև հուլիսի 15 - Կանանց առաջնորդությամբ իրականացված կլիմայի փոփոխության ազդեցության մեղմմանը և հարմարվողականությանն ուղղված հայտադիմումների ներկայացում։

Հուլիսի 3 - 10 - Հայտերի գնահատում։ Ընտրության չափորոշիչների հիման վրա հայտերի գնահատումն իրականացվելու է գնահատող հանձնաժողովի կողմից։ 

Հուլիսի 10 - 19 - «Կլիմայի փոփոխությունը և կանայք Հայաստանում» մրցանակաբաշխություն՝ հաղթող լուծումների և հաղթողների ներկայացում։

Հուլիսի 22 - Оգոստոս 22 - Հաղթողների մասնակցությամբ հանդիպում, լուծումների ներկայացում հեռուստատեսությամբ։